Karale Master Wardha : पोरांच्या सन्मानात कराळे मास्तर मैदानात; कंत्राटी भरतीला वर्ध्यात जोरदार विरोध

Karale Master Wardha : राज्यातील पदभरती ही कंत्राटी पद्धतीने करण्याच्या राज्य सरकारच्या निर्णयाला वर्ध्यातील प्रसिद्ध शिक्षक नितेश कराळे यांनी जोरदार विरोध केला आहे.

राष्ट्रवादीच्या खासदार सुप्रिया सुळे यांनी नितेश कराळे यांच्या आंदोलनाला भेट दिली आहे. खासदार सुळे यांनी कराळे मास्तरांच्या आंदोलनाला पाठिंबा दिला आहे.

जळगावच्या जिल्हाधिकाऱ्यांनी तहसिलदार पदासाठी काढलेल्या कंत्राटी भरतीवरून उमेदवारांनी संताप व्यक्त केला आहे. यावेळी तरुणींनी बेरोजगार पकोडेवाल्याचे पोस्टर झळकावत शिंदे-फडणवीस सरकारचा निषेध केला आहे.

आंदोलक तरुणींनी रस्त्यावर चूल मांडत भजी तळले, याशिवाय वडापावही आंदोलनस्थळी तयार करण्यात आलं. त्यामुळं या आंदोलनात मोठ्या संख्येने विद्यार्थ्यांनी सहभाग घेतल्याचं दिसून आलं.

शासनाने कंत्राटी भरती रद्द करावी, अशी मागणी आंदोलक नितेश कराळे यांनी केली आहे. त्यामुळं आता येत्या काही दिवसांत राज्यात कंत्राटी पदभरतीचा मुद्दा चांगलाच तापण्याची शक्यता आहे.