पार्टी करताना चक्कर येऊन पडली अन् पुन्हा उठलीच नाही! ३० वर्षीय गायिकेचा दुर्दैवी मृत्यू
पार्टी करताना चक्कर येऊन पडली अन् पुन्हा उठलीच नाही! ३० वर्षीय गायिकेचा दुर्दैवी मृत्यू
Apr 12, 2024 03:49 PM IST
Park Bo Ram passes away : गायिका पार्क बो राम यांचे ११ एप्रिल रोजी संध्याकाळी आकस्मिक निधन झाले. ही बातमी कळताच संगीत क्षेत्रात शोककळा पसरली आहे.
(1 / 4)
कोरियन मनोरंजन विश्वातून एक वाईट बातमी समोर येत आहे. प्रसिद्ध के-पॉप गायिका पार्क बो राम हिने वयाच्या ३०व्या वर्षी जगाचा निरोप घेतला. गायिकेच्या मृत्यूची माहिती तिची एजन्सी XANADU एंटरटेनमेंटने दिली आहे. एजन्सीने एक निवेदन जारी केले की, गायिका पार्क बो राम यांचे ११ एप्रिल रोजी संध्याकाळी आकस्मिक निधन झाले. ही बातमी कळताच संगीत क्षेत्रात शोककळा पसरली आहे. सध्या पोलीस या प्रकरणाचा तपास करत आहेत.
(2 / 4)
गायिका पार्क बो रामच्या मृत्यूचे कारण अद्याप समोर आलेले नाही. नाम्यांगजू पोलिस स्टेशनने एक अहवाल प्रसिद्ध केला, ज्यामध्ये म्हटले आहे की, तिचे निधन झाले तेव्हा बो राम मित्रमैत्रिणींसोबत मद्यपान करत होती. सध्या पोलीस बो रामच्या मृत्यूच्या कारणांचा तपास करत आहेत.
(3 / 4)
दुसरीकडे, गायिकेच्या मृत्यूनंतर तिच्या एजन्सी XANADU एंटरटेनमेंटने शुक्रवारी, १२ एप्रिल रोजी कोरियामध्ये तिच्या मृत्यूची पुष्टी करणारे निवेदन जारी केले. निवेदनात असे लिहिले आहे की, 'पार्क बो राम ११ एप्रिल रोजी संध्याकाळी अचानक आपल्याला सोडून गेली. तिच्या चाहत्यांना ही दुःखद बातमी कळवताना आमची ह्रदयेही पिळवटून निघत आहेत. गायिकेच्या अंत्यसंस्काराची माहिती तिच्या कुटुंबीयांशी बोलल्यानंतर दिली जाईल.
(4 / 4)
मीडिया रिपोर्ट्सनुसार, के-पॉप गायिका पार्क बो राम यावर्षी तिच्या नवीन गाण्यांच्या रिलीजवर काम करत होती. वयाच्या अवघ्या १७व्या वर्षी त्यांनी इंडस्ट्रीत प्रवेश केला होता. २०१०मध्ये ती 'सुपर स्टार के २' या गायन स्पर्धेत सहभागी झाली होती.
(5 / 4)
अनेक मीडिया रिपोर्ट्सनुसार, पोलीस सध्या पार्क बो-रामच्या आकस्मिक मृत्यूची चौकशी करत आहेत. पार्क बो-राम हे दक्षिण कोरियाच्या मनोरंजन उद्योगातील एक प्रसिद्ध नाव होते आणि यंदा तिला या क्षेत्रात येऊन १० वर्षे पूर्ण होणार होती. तिच्या कारकिर्दीतील सर्वात मोठ्या सादरीकरणासाठी तिने नुकतेच 'आय होप' हा युगल गीत रिलीज केले होते. या वर्षी तिचा स्टुडिओ अल्बमही रिलीज होणार होता.
इतर गॅलरीज