Janmashtami 2024: भारतातच नव्हे, तर ‘या’ ५ देशांमध्ये अतिशय धुमधडाक्यात साजरी केली जाते कृष्ण जन्माष्टमी!
Janmashtami 2024: भारतातच नव्हे, तर ‘या’ ५ देशांमध्ये अतिशय धुमधडाक्यात साजरी केली जाते कृष्ण जन्माष्टमी!
यावर्षी भगवान श्रीकृष्णाची ५२५१वी जयंती साजरी होत आहे. यावर्षी श्रीकृष्ण जन्माष्टमीला जयंती योगासह द्वापार कालखंडासारखे अनेक शुभ योगायोग होत आहेत. यावर्षी श्री कृष्ण जन्माष्टमी २६ ऑगस्ट २०२४, सोमवारी आहे. या दिवशी भक्त भगवान श्रीकृष्णाचे बालस्वरूप असलेल्या बाळकृष्णाची पूजा करतात. हा सण भारतातच नाही तर, परदेशातही मोठ्या थाटामाटात साजरा केला जातो. जाणून घ्या कोणत्या देशात श्रीकृष्ण जन्माष्टमी साजरी केली जाते…
कॅनडा : सर्वाधिक भारतीय कॅनडामध्ये राहतात. इथे जन्माष्टमीचा उत्सव वेगळ्याच जल्लोषात साजरा होतो. येथे असलेल्या रिचमंड हिल हिंदू मंदिरात सगळेच हिंदू नागरिक या उत्सवाचा आनंद घेऊ शकतात.
सिंगापूर : सिंगापूरमध्ये भगवान श्रीकृष्णाची जयंती मोठ्या थाटामाटात साजरी केली जाते. सिंगापूरच्या बाजारपेठेत भगवान कृष्णाच्या मूर्ती, बासरी, झुले आणि मोराची पिसे इत्यादी पाहायला मिळतात, ज्यामुळे तुम्ही दुसऱ्या देशात आहात यावर तुमचा विश्वास बसणार नाही. या दिवशी येथील श्री लक्ष्मी नारायण मंदिराचे वैभव पाहण्यासारखे आहे.
पॅरिस : पॅरिसमध्ये श्री कृष्णाची जयंती पाहून तुम्हाला आश्चर्य वाटेल, ज्याला लाइट्सचे शहर देखील म्हटले जाते. जन्माष्टमीच्या दिवशी या शहरातील स्थिर परिसेश्वर मंदिराचे दृश्य पाहण्यासारखे असते.
नेपाळ : नेपाळमध्ये, लोक मध्यरात्रीपर्यंत उपवास करतात. त्यानंतर लोक कृष्ण जन्माष्टमी साजरी करण्यासाठी भक्ती गीते गातात आणि भगवद्गीतेतील श्लोकांचे पठण करतात.
फिजी : फिजीमध्ये श्रीकृष्ण जन्माष्टमीचा सण कृष्ण अष्टमी म्हणून ओळखला जातो. या आठ दिवसांत हिंदू धर्माचे लोक घरोघरी आणि मंदिरात एकत्र येऊन भगवान श्रीकृष्णाला समर्पित भक्तिगीते गातात.