IPL 2025: कोणत्या संघाला मिळणार प्लेऑफचे तिकीट अन् कोणत्या संघावर स्पर्धेबाहेर होण्याचा धोका? जाणून संपूर्ण समीकरण

चेन्नई सुपर किंग्स -

पाच वेळेचे आयपीएल चँपियन चेन्नई सुपर किंग्सचे IPL २०२५ मधील प्रदर्शन खूपच खराब राहिले आहे. यंदाच्या सीझनमध्ये त्यांना ८ सामन्यात केवळ २ मध्येच विजय मिळवता आला असून पॉइंट टेबलमध्ये हा संघ शेवटच्या स्थानी फेकला गेला आहे. प्लेऑफमध्ये पोहोचल्याची आशा जिवंत ठेवण्यासाठी त्यांना आपले राहिलेले सर्व ६ सामने कोणत्याही परिस्थितीत जिंकावे लागतील. शुक्रवारी सीएसके आणि हैदराबाद संघात सामना होणार आहे. यामध्ये सीएसकेचा पराभव झाल्यास त्यांच्यासाठी प्लेऑफचे दरवाजे जवळपास बंद होतील.

सनरायजर्स हैदराबाद -शुक्रवारी सनरायजर्स हैदराबाद आणि चेन्नई सुपर किंग्स यांच्यातील सामन्यात जो संघ हारेल तो संघ प्लेऑफच्या स्पर्धेतून बाहेर होईल. एसआरएचने आतापर्यंत ८ सामन्यात केवळ २ विजय मिळवले आहेत. पॉइंट्स टेबलमध्ये हैदराबाद नवव्या स्थानावर आहे. त्यांना चेन्नई व त्यानंतर पुढच्या ५ सामन्यात विजय मिळवावा लागेल.

गुजरात टायटन्स - गुजरात टायटन्स प्लेऑफचा तगडा दावेदार आहे. टीम सध्या ८ सामन्यात १२ अंक मिळवून आयपीएल पॉइंट्स टेबलमध्ये टॉपवर आहे. साखळी फेरीत अजून त्यांना ६ सामने खेळायचे आहेत. त्यापैकी केवळ २ सामने जिंकले तरी ते प्लेऑफमध्ये आपले स्थान पक्के करतील.

रॉयल चैलेंजर्स बेंगळूरू - आरसीबीने ९ सामन्यात १२ गुण मिळवले असून हा संघ पॉइंट्स टेबलमध्ये तिसऱ्या नंबरवरती आहे. साखळी सामन्यात त्यांना अजून ५ सामने खेळायचे आहेत. जर बेंगळुरूने २ सामने जिंकले तरी ते प्लेऑफमध्ये जाऊ शकतील. ३ विजय मिळवल्यास त्यांचे स्थान पक्के होईल.

दिल्ली कॅपिटल्स - दिल्ली कॅपिटल्सने ८ पैकी ६ सामने जिंकले आहेत. १२ गुणांसह टीम नेट रनरेटच्या आधारावर पॉइंट्स टेबल मध्ये दुसऱ्या स्थानावर आहे. दिल्लीला साखळी फेरीत आणणी सहा सामने खेळायचे आहेत. प्लेऑफमध्ये पोहोचण्य़ासाठी त्यांना आणखी २ विजयाची गरज आहे.

मुंबई इंडियंस - अडखळत सुरुवातीनंतर ५ वेळच्या आयपीएल विजेत्या मुंबईने लय पकडली आहे. सलद ४ विजयासह संघाने १० गुण मिळवून चौथ्या स्थानावर झेप घेतली आहे. मुंबईने आतापर्यंत खेळलेल्या ९ सामन्यांपैकी ५ सामने जिंकले आहेत तर ४ गमावले आहेत. प्लेऑफमध्ये पोहोचण्यासाठी साखळी फेरीतील शिल्लक ५ सामन्यांपैकी कमीत कमी ३ सामन्यात विजय मिळवावे लागतील.

पंजाब किंग्स -पंजाब किंग्सने ८ सामन्यात ५ विजय मिळवले आहेत. पंजाब १० गुणांसह आयपीएल पॉइंट्स टेबलमध्ये पाचव्या स्थानावर आहेत. साखळी फेरीत त्यांचे अजून ६ सामने बाकी आहेत. प्लेऑफमध्ये जाण्यासाठी पंजाबला यापैकी कमीत कमी त्यांना ३ सामन्यात विजय मिळवावा लागेल.

लखनौ सुपर जॉयंट्स -लखनऊ सुपर जॉयंट्सचे ९ सामन्यात ५ विजयासाह १० अंक आहेत. पॉइंट्स टेबलमध्ये सहाव्या स्थानी असलेल्या लखनऊला प्लेऑफचे तिकीट मिळवण्यासाठी शिल्लक ५ सामन्यांपैकी ३ सामने कोणत्याही परिस्थितीत जिंकावे लागतील.

कोलकाता नाइट रायडर्स -अजिंक्य रहाणेच्या नेतृत्वातील केकेआर ८ सामने खेळून ६ अंकासह सातव्या स्थानावर आहे. केकेआरला प्लेऑफमध्ये पोहोचण्यासाठी ६ पैकी ५ सामन्यात विजय मिळवावा लागेल. तरच त्यांचे आव्हान जिवंत राहील.

राजस्थान रॉयल्स -यंदा राजस्थान रॉयल्सचे प्रदर्शनही काही खास राहिलेले नाही. संघाने ९ सामन्यात केवळ २ विजय नोंदवले आहेत. गुणतालिकेत हा संघ ४ अंकांसह आठव्या स्थानावर आहे. राजस्थानने शिल्लक राहिलेले ५ सामने जिंकून १० अंक मिळवल्यास काहीशी शक्यता आहे. मात्र टीमचे नेट रनरेट इतका खराब आहे की, सर्व सामने जिंकूनही त्यांचा प्लेऑफचा मार्ग कठीण दिसत आहे.