IPL Auction Uncapped Players : नेहल वढेरा ते नमन धीर! आयपीएलच्या मेगा लिलावात या ५ अनकॅप्ड खेळाडूंची लॉटरी लागली, पाहा
IPL Auction Uncapped Players : नेहल वढेरा ते नमन धीर! आयपीएलच्या मेगा लिलावात या ५ अनकॅप्ड खेळाडूंची लॉटरी लागली, पाहा
Nov 26, 2024 04:05 PM IST
- IPL Auction 2025 Expensive Uncapped Players : आयपीएल २०२५ च्या मेगा लिलावात केवळ आंतरराष्ट्रीय स्टार्सच नाही तर अनकॅप्ड खेळाडूंनीही कोट्यवधी रुपयांची कमाई केली आहे. अशाच भारतीय अनकॅप्ड खेळाडूंबाबत आपण येथे पाहणार आहोत.
(1 / 6)
आयपीएल २०२५ च्या मेगा लिलावात आघाडीच्या आंतरराष्ट्रीय खेळाडूंवर मोठ्या प्रमाणावर पैशांचा वर्षाव झाला. या मेगा लिलावात अनकॅप्ड खेळाडूंवरही खूप जास्त बोली लावण्यात आल्या. नेहल वढेरा ते नमन धीर यांनी या लिलावात करोडोंची कमाई केली. येथे आपण अशा ५ अनकॅप्ड खेळाडूंबाबत जाणून घेणार आहोत, ज्यांना त्यांच्या बेस प्राइसपेा खूप जास्त रक्कम मिळाली आहे.
(2 / 6)
नमन धीर – ५.२५ कोटी (मुंबई इंडियन्स)- नमन धीरला अद्याप आयपीएलमध्ये खेळण्याच्या फारशा संधी मिळालेल्या नाहीत, तरीही मुंबई इंडियन्सने त्याच्यावर पुन्हा विश्वास दाखवला आहे. मेगा लिलावात त्याची मूळ किंमत ३० लाख रुपये होती. रॉयल चॅलेंजर्स बंगळुरू, दिल्ली कॅपिटल्स, राजस्थान रॉयल्स आणि अगदी पंजाब किंग्जनेही त्याच्यामध्ये रस दाखवला, पण मुंबईने सुरुवातीपासूनच या शर्यतीत राहून नमनला ५.२५ कोटींची बोली लावून विकत घेतले.
(3 / 6)
अब्दुल समद - ४.२० कोटी (LSG)- अब्दुल समदने सन २०२० मध्ये सनरायझर्स हैदराबादमध्ये प्रवेश केला. २०२४ पर्यंत सनरायझर्स हैदराबादकडून खेळणाऱ्या समदने मेगा लिलावात त्याची मूळ किंमत ३० लाख रुपये ठेवली होती, परंतु त्याच्यासाठी शेवटची बोली ४.२० कोटी रुपये होती. त्याला लखनौ सुपर जायंट्सने विकत घेतले आहे.
(4 / 6)
नेहल वढेरा - ४.२० कोटी (पंजाब किंग्स)- नेहल वढेरा गेल्या दोन हंगामात मुंबई इंडियन्सकडून खेळला होता, जिथे त्याला २० लाख रुपये मिळत होते. आता पंजाब किंग्जने त्याला ४.२० कोटी रुपयांची मोठी बोली लावून खरेदी केले आहे. चेन्नई सुपर किंग्ज, गुजरात टायटन्स आणि दिल्ली कॅपिटल्सनेही त्यांच्यात रस दाखवला, पण शेवटी पंजाबने बाजी मारली.
(5 / 6)
आशुतोष शर्मा - ३.८० कोटी (दिल्ली कॅपिटल्स)- आयपीएल २०२४ ने आशुतोष शर्माला मोठा स्टार बनवले. त्याने पंजाब किंग्ससाठी ११ सामन्यात १८९ धावा केल्या. तो मुख्यतः त्याच्या १६७ पेक्षा जास्त स्ट्राइक रेटने खेळल्यामुळे प्रसिद्धीझोतात आला आणि त्याने फिनिशरची भूमिकाही उत्तमरित्या निभावली. त्याची मूळ किंमत फक्त ३० लाख रुपये होती. कदाचित आशुतोषलाही वाटले नसावे की आपल्यावरील बोली ३ कोटींच्या पुढे जाईल.
(6 / 6)
अंगकृष्ण रघुवंशी – ३ कोटी (कोलकाता नाईट रायडर्स)- IPL २०२४ मध्ये अंगक्रिश रघुवंशी प्रसिद्धीच्या झोतात आला, जेव्हा त्याने १५५ पेक्षा जास्त झंझावाती स्ट्राइक रेटने खेळताना १६३ धावा केल्या आणि त्याच्या पहिल्याच सत्रात अर्धशतकही झळकावले. यावेळी त्याची मूळ किंमत ३० लाख रुपये होती आणि यावेळीही त्याला कोलकाता नाईट रायडर्सने विकत घेतले आहे. त्याच्याव ३ कोटी रुपयांची बोली लावण्यात आली.
इतर गॅलरीज