IPL 2024 Points Table : गुजरातच्या विजयाने प्लेऑफची चुरस वाढली, सीएसकेच्या अडचणी वाढल्या
IPL 2024 Points Table : गुजरातच्या विजयाने प्लेऑफची चुरस वाढली, सीएसकेच्या अडचणी वाढल्या
May 11, 2024 03:44 PM IST
- IPL 2024 Standings: आयपीएल २०२४ चा ५९वा सामना गुजरात टायटन्स आणि चेन्नई सुपर किंग्ज यांच्यात खेळला गेला. या सामन्यात गुजरातने सीएसकेचा धुव्वा उडवला. यानंतर प्लेऑफमध्ये पोहोचण्याची चुरस अतिशय रंगतदार झाली आहे.
(1 / 6)
गुजरात टायटन्सने (१० मे) चेन्नई सुपर किंग्जला पराभूत करत आयपीएल २०२४ च्या प्लेऑफमध्ये पोहोचण्याच्या आशा जिवंत ठेवल्या. गुजरातने १२ सामन्यांत ५ विजयांसह १० गुणांची कमाई केली आहे. त्यांनी साखळी गुणतालिकेत १० वरून ८ व्या स्थानावर झेप घेतली.
(2 / 6)
आता गुजरात आणि आरसीबी यांचे समान गुण आहेत, पण नेट रनरेटमध्ये ते पिछाडीवर असल्याने त्यांना गुणतालिकेत बेंगळुरूच्या मागे राहावे लागणार आहे. गुजरातचा नेट रनरेट -१.०६३ आहे. आरसीबीने १२ सामन्यांत १० गुण आहेत. ते गुणतालिकेत सातव्या क्रमांकावर आहेत. बेंगळुरूचा नेट रनरेट +०.२१७ आहे.
(3 / 6)
चेन्नई सुपर किंग्जला गुजरातकडून पराभव पत्करावा लागल्याने त्यांचा प्लेऑफचा मार्ग तुलनेने खडतर झाला आहे. सीएसकेचे १२ सामन्यांत ६ विजयांसह १२ गुण आहेत. ते चौथ्या क्रमांकावर आहेत. दिल्ली कॅपिटल्स आणि लखनौ सुपर जायंट्स यांचेही १२ सामन्यांतून प्रत्येकी १२ गुण आहेत. नेट रन रेटच्या बाबतीत हे दोन्ही संघ चेन्नईच्या (+०.४९१) मागे आहेत. दिल्ली (-०.३१६) पाचव्या आणि लखनौ (-०.७६९) सहाव्या क्रमांकावर आहे.
(4 / 6)
दरम्यान, गुजरात आणि चेन्नई यांच्यातील सामन्याच्या निकालाचा अव्वल तीन संघांवर परिणाम झाला नाही. कोलकाता नाईट रायडर्स ११ सामन्यांतील ८ विजयांसह १६ गुणांसह अव्वल स्थानी आहे. त्यांचे प्लेऑफचे तिकीट निश्चित दिसत आहे. कोलकाताचा नेट रनरेट +१.४५३ आहे. नाईट रायडर्सप्रमाणेच राजस्थान रॉयल्सचेही ११ सामन्यांत ८ विजयांसह १६ गुण आहेत. मात्र नेट रनरेटमुळे संजू सॅमसनचा संघ दुसऱ्या स्थानावर आहे. राजस्थानचा नेट रनरेट +०.४७६ आहे.
(5 / 6)
सनरायझर्स हैदराबादने १२ सामन्यांत ७ विजयांसह १४ गुणांची कमाई केली आहे. आयपीएल २०२४ च्या साखळी तक्त्यात ते तिसऱ्या स्थानावर आहेत. हैदराबादचा नेट रनरेट +०.४०६ आहे. सनरायझर्सच्या प्ले-ऑफच्या तिकिटाची खात्री आत्ताच देता येणार नाही. मात्र, चेन्नई हरल्याने पॅट कमिन्सला फायदा झाला हे निश्चित आहे. जर त्यांनी शेवटचे दोन सामने गमावले तर ते प्लेऑफमधून बाहेर पडू शकतात.
(6 / 6)
मुंबई इंडियन्स आणि पंजाब किंग्जचे प्रत्येकी ८ गुण आहेत. दोन्ही संघांनी प्रत्येकी १२ सामने खेळले आहेत. नेट रन रेटच्या बाबतीत मुंबई (-०.२१२) नवव्या क्रमांकावर आहे. पंजाब (-०.४२३) या सर्वात खालच्या क्रमांकावर आहे.
इतर गॅलरीज