International Yoga Day 2023: रात्री झोप येत नाही? योगा दिनापासून करा हे योगासन, त्रास होईल कमी

अनेकांना रात्री झोप येत नाही. मात्र हा त्रास कमी करण्यासाठी काय करावे हे कळत नाही. अशावेळी ते औषध किंवा विविध ट्रिक्सची मदत घेतात. पण त्याचाही कधी कधी उपयोग होत नाही. तुम्हालाही असं वाटत असेल तर काळजी करु नका, तुमच्या जवळ एक सोपा मार्ग आहे आणि तो म्हणजे योगासन. 

भारतीय योग संघटनेचे अध्यक्ष हंसजी योगेंद्र यांनी हिंदुस्तान टाईम्सला काही योगासनांबद्दल सांगितले, जे झोपेसाठी मदत करतात. चला झोपेसाठी कोणती योगासने फायदेशीर ठरतात ते पाहूया.

सूर्यनमस्कार: दररोज सूर्यनमस्कार केल्याने झोपेची समस्या कमी होऊ शकते. कारण त्यामुळे मन शांत होते. दररोज सकाळी आणि सूर्यास्ताच्या वेळी या योगासनाचा सराव करणे फायदेशीर आहे.

यष्टिकासन: मन आणि शरीर शांत करण्यासाठी सर्वोत्तम योगासन. असे केल्याने मन चांगले राहते. हार्मोनल संतुलन योग्य आहे. परिणामी झोपही चांगली लागते.

भद्रासन : शरीरातील ताठरपणा तोडण्यासाठी हे योगासन उत्तम आहे. हे केल्याने शरीर शांत होते. सर्वात महत्त्वाचे म्हणजे ते तणाव कमी करते. परिणामी मन चांगले राहते. झोपही चांगली लागते.

भ्रामरी: झोपेच्या आधी हे योगासन खूप प्रभावी आहे. त्यामुळे गाढ झोप लागते. सुरुवातीच्या काळात ऋषीमुनींनीही मन शांत करण्यासाठी या योगासनांचा सराव केला. हे झोपण्यासाठी देखील उत्तम आहे.

कपालभाती: चरबी कमी करण्यासाठी अनेकजण हा प्राणायाम करतात. पण ते झोपण्यासाठीही उत्तम आहे. तणाव कमी करण्यासाठी हे उत्तम काम करते. परिणामी झोप चांगली लागते.