Mumbai Air Show : मुंबईतील एयर शोमध्ये 'सुखोई ३० एमकेआय'चा थरार, हवाई कसरतींनी जिंकली मने; पाहा फोटो
Mumbai Air Show : मुंबईतील एयर शोमध्ये 'सुखोई ३० एमकेआय'चा थरार, हवाई कसरतींनी जिंकली मने; पाहा फोटो
Jan 15, 2024 09:44 AM IST
- Mumbai Air Show : भारतीय हवाई दलाच्या सूर्यकिरण, सारंग हेलिकॉप्टरने मुंबईत आयोजित करण्यात आलेल्या एयरशोच्या दुसऱ्या दिवशीही चित्तथरारक करती केल्या. रविवारी झालेल्या एयरशोचे खास आकर्षण ठरले ते सुखोई ३० एमकेआय हे विमान. या विमानाच्या हवाई कसरतींनी मुंबईकरांची मने जिंकली.
(1 / 12)
भारतीय हवाईदलातर्फे मुंबईच्या मरीन ड्राईव्ह येथे आयोजित दोन दिवसीय एयरशो ची रविवारी सांगता झाली. या शो च्या दुसऱ्या दिवशी ही सूर्यकिरण विमाने आणि सारंग हेलिकॉप्टर द्वारे चित्तथरारक कसरती करण्यात आल्या.
(2 / 12)
सोहण्याचे खास आकर्षण ठरले ते सुखोई ३० विमाने. या विमानांनी पुण्याहून उड्डाण घेत तब्बल २००० हजार प्रतीतास वेगाने उड्डाण करत केवळ २ ते ३ मिनिटांत मुंबई गाठले.
(3 / 12)
या विमांनी केलेल्या चित्तथरारक कवायातींनी मुंबईकरांची मने जिंकली.
(4 / 12)
'सुखोई ३० एमकेआय' या विमानाने ताशी दोन हजार किलोमीटर वेगाने पुण्याच्या लोहगाव हवाई तळावरून अलिबागमार्गे तीन मिनिटांत मरीन ड्राइव्ह गाठून दक्षिण मुंबईतील आकाशात १० मिनिटे चित्तथरारक प्रात्यक्षिके सादर केली.
(5 / 12)
या एअर शोची सुरुवात हवाई दलाच्या कमांडोंच्या 'आकाशगंगा' पथकाने जवळपास १५ हजार फूट उंचीवरून 'सी-१३० सुपर हर्क्युलस' विमानातून पॅराशूटच्या साह्याने उडी मारली.
(6 / 12)
सुखोईसह प्रशिक्षणार्थी लढाऊ विमानांचा समावेश असलेले 'सूर्यकिरण' पथक, 'सारंग' हेलिकॉप्टर पथक यांची प्रात्यक्षिके पाहण्यासाठी मुंबईकरांनी रविवारी अलोट गर्दी केली.
(7 / 12)
हवाई दलाचा एअर शो रविवारी दुपारी मरीन ड्राइव्ह परिसरात झाला.
(8 / 12)
हे कमांडो गिरगाव चौपाटीवर उतरले. त्यानंतर एयर शोला सुरुवात करण्यात आली.
(9 / 12)
दरम्यान, सारंग' या पथकातील 'एएलएच' हेलिकॉप्टरने कुलाब्यातील 'आयएनएस शिक्रा' येथून हवेत झेप घेत काही क्षणात मरीन ड्राइव्हवर येत हवाई कसरती सुरू केल्या.
(10 / 12)
'सूर्यकिरण' पथकाचे नेतृत्व ग्रुप कॅप्टन जी. एस. धिल्लो यांनी केले. 'सारंग' तुकडीचे नेतृत्व ग्रुप कॅप्टन एस. के. मिश्रा यांनी केले.
(11 / 12)
मरीन ड्राइव्हवर आज मोठ्या प्रमाणात सामान्य नागरीक हा सोहळा पाहण्यासाठी उपस्थित होते.
(12 / 12)
सूर्यकिरण विमाने आणि सारंग हेलिकॉप्टरने अनेक फॉरमेशन दाखवत आकाशात विविध कलाकृती केल्या.
इतर गॅलरीज