IND vs IRE Hockey : आयर्लंडचा धुव्वा उडवत भारत गुणतालिकेत अव्वल, ऑस्ट्रेलिया, बेल्जियमही मागे पडले

विशेष म्हणजे ऑस्ट्रेलिया आणि बेल्जियमला ​​मागे टाकत भारत आता पॉइंट टेबलमध्ये टॉपर बनला आहे. मात्र आगामी काळात या दोन्ही संघांमध्ये चुरशीची स्पर्धा होणार आहे.

कर्णधार हरमनप्रीत सिंगने दोन गोल केले-  भारताचा कर्णधार हरमनप्रीत सिंगने पहिल्या क्वार्टरमध्ये पहिला गोल पेनल्टी स्ट्रोकद्वारे केला, तर दुसरा गोल दुसऱ्या क्वार्टरमध्ये आला, यावेळीही कर्णधार हरमनप्रीत सिंगने पेनल्टी कॉर्नरवरून गोल केला. पूर्वार्धातच भारतीय संघाने दोन गोल करत आघाडी घेतली. या काळात आयरिश संघ मागे राहिला.

तिसऱ्या क्वार्टरमध्ये आयरिश संघाला अनेक पेनल्टी कॉर्नर मिळाले, मात्र एका कॉर्नरचेही गोलमध्ये रूपांतर संघाला करता आले नाही. भारताने 

आतापर्यंत खेळलेल्या ३ सामन्यांपैकी पहिल्या सामन्यात न्यूझीलंडचा पराभव केला, त्यानंतर अर्जेंटिनाविरुद्धचा सामना अनिर्णित राहिला आणि आता भारताने आयर्लंडलाही हरवले. जर आपण आयर्लंडबद्दल बोललो तर संघाने तिन्ही सामने गमावले आहेत. आता त्यांच्यासाठी पुढच्या फेरीत जाणे अधिक कठीण झाले आहे.

भारत आपल्या पूलमध्ये अव्वल स्थानी -  ऑलिम्पिक २०२४ मध्ये भारतीय संघाला पूल बी मध्ये स्थान देण्यात आले आहे. त्यात ६ संघ आहेत. या गटात भारत, ऑस्ट्रेलिया आणि बेल्जियमशिवाय आयर्लंड आणि अर्जेंटिनाचे संघ आहेत. भारत सध्या आपल्या गटात अव्वल स्थानी पोहोचला आहे. 

भारताने आतापर्यंत ३ सामने खेळले असून त्यांचे एकूण ७ गुण आहेत. ऑस्ट्रेलिया आणि बेल्जियमबद्दल बोलायचे झाले तर या दोघांनी फक्त दोन सामने खेळून ६ गुण जमा केले आहेत.

खरी स्पर्धा बेल्जियम आणि ऑस्ट्रेलियाशी- नियमांनुसार दोन्ही गटातील ४ संघ उपांत्यपूर्व फेरीत जाणार आहेत. अशा प्रकारे पाहिल्यास भारताव्यतिरिक्त ऑस्ट्रेलिया आणि बेल्जियमचे संघ पुढील फेरीत जाऊ शकतात, तर चौथ्या संघाबाबतचा निर्णय आगामी सामन्यानंतरच होऊ शकतो. दरम्यान, भारतीय संघाची कामगिरी उत्कृष्ट असली तरी त्यांची खरी कसोटी ऑस्ट्रेलिया आणि बेल्जियमविरुद्ध असेल. भारतीय संघ आता १ ऑगस्टला बेल्जियमशी खेळणार आहे, तर दुसऱ्या दिवशी म्हणजे २ ऑगस्टला भारत आणि ऑस्ट्रेलिया यांच्यात सामना होणार आहे.