IND Vs NZ T20 Series: उमरान मलिकसह ‘हे’ ५ खेळाडू न्यूझीलंड दौरा गाजवणार, पाहा
IND Vs NZ T20 Series: उमरान मलिकसह ‘हे’ ५ खेळाडू न्यूझीलंड दौरा गाजवणार, पाहा
Nov 18, 2022 11:11 AM IST
- IND Vs NZ T20 Series 2022 Team India Top Players: भारत आणि न्यूझीलंड यांच्यातील तीन टी-20 सामन्यांच्या मालिकेला आज शुक्रवारपासून (१८ नोव्हेंबर) सुरुवात होणार आहे. वेलिंग्टनमध्ये दोन्ही संघ आमनेसामने येणार आहेत. नकत्याच झालेल्या टी-20 विश्वचषकात दोन्ही संघ उपांत्य फेरीतून बाहेर पडले होते. टीम इंडिया आणि किवी तो पराभव विसरून नव्याने सुरुवात करतील. या मालिकेत हार्दिक पांड्या टीम इंडियाचे नेतृत्व करणार आहे. नियमित कर्णधार रोहित शर्मा आणि उपकर्णधार केएल राहुल यांना विश्रांती देण्यात आली आहे.
(1 / 6)
Hardik Pandya- टी२० विश्वचषकात हार्दिक पांड्याची कामगिरी चांगली राहिली. याचे बक्षीस त्याला मिळाले आहे. तो न्यूझीलंड दौऱ्यावर टीम इंडियाची कमान सांभाळणार आहे. याआधी त्याने आयर्लंडविरुद्ध भारतीय संघाचे कर्णधारपद भुषवले आहे. त्या मालिकेत टीम इंडियाने २-० ने विजय मिळवला होता. आता हार्दिक प्रथमच आंतरराष्ट्रीय स्तरावर मोठ्या संघाविरुद्ध कर्णधारपद भूषवणार आहे. भविष्यात त्याला संघाचा टी-२० कर्णधार बनवले जाऊ शकते. त्यासाठी हार्दिकला ही मोठी परीक्षा पास करावी लागणार आहे. त्याला फलंदाजी-गोलंदाजीसोबतच कर्णधारपद म्हणूनही प्रभावी कामगिरी करावी लागणार आहे.(Hardik Pandya- instagram)
(2 / 6)
Shreyas Iyer- एकेकाळी कर्णधारपदाचा दावेदार असलेल्या श्रेयस अय्यरला खराब फॉर्ममुळे टी-२० संघातून वगळण्यात आले. मात्र, वनडेमध्ये त्याची कामगिरी चांगली राहिली आहे. त्यामुळेच त्याला आता वरिष्ठ खेळाडूंच्या अनुपस्थितीत पुन्हा एकदा संधी देण्यात आली आहे. आता या संधीचा तो कसा फायदा घेतो हे पाहावे लागेल. ऑक्टोबर २०२२ मध्ये तो दक्षिण आफ्रिकेविरुद्ध शेवटचा टी-२० खेळला होता. श्रेयस अय्यरने गेल्या १२ टी-२० डावांमध्ये केवळ दोन अर्धशतके झळकावली आहेत.(Shreyas Iyer- instagram)
(3 / 6)
Shubaman Gill- शुभमन गिलची वनडेतील कामगिरी उत्कृष्ट राहिली आहे. वेस्ट इंडिजपाठोपाठ झिम्बाब्वेमध्येही त्याने आपल्या कामगिरीने सर्वांना प्रभावित केले. याशिवाय सय्यद मुश्ताक अली ट्रॉफी या देशांतर्गत स्पर्धेत सहा सामन्यांत २६० धावा केल्या. यादरम्यान त्याने एक शतक आणि एक अर्धशतक झळकावले. आता टी-20 फॉरमॅटमध्ये शुभमनची कामगिरी कशी होते हे पाहणे औत्सुक्याचे ठरेल.(Shubaman Gill- instagram)
(4 / 6)
Rishabh Pant- ऋषभ पंतने कसोटी आणि वनडे क्रिकेटमध्ये चांगला प्रभाव पाडला आहे. पण टी-२० क्रिकेटमध्ये तो अजूनही आपल्या प्रतिमेनुसार कामगिरी करण्यात अपयशी ठरला आहे. त्याने ६४ सामन्यांत ३ अर्धशतकांच्या मदतीने केवळ ९४० धावा केल्या आहेत. यादरम्यान पंतचा स्ट्राइक रेट १२७.१२ राहिला आहे. या मालिकेत स्वता:ला सिद्ध करण्याची त्याच्याकडे चांगली संधी आहे.(Rishabh Pant - instagram)
(5 / 6)
Umran Malik- आयपीएलमध्ये सनरायझर्स हैदराबादकडून उत्कृष्ट कामगिरी करणाऱ्या उमरान मलिकला भारताकडून खेळण्याची संधी मिळाली आहे. उमरानने तीन टी-20 सामन्यात दोन विकेट घेतल्या आहेत. उमरानला वेगवान तसेच योग्य लाईन आणि लेंथने गोलंदाजी करावी लागेल. ताशी दीडशे किलोमीटर वेगाने चेंडू फेकणाऱ्या उमरानने लाईन आणि लेंथ मिळवली तर तो धोकादायक गोलंदाज ठरु शकतो.(Umran Malik- instagram)
(6 / 6)
IND Vs NZ T20 Series 2022 Team India Top Players
इतर गॅलरीज