IND vs AUS: फायनलपूर्वी सचिन तेंडुलकरनं विराटला काय गिफ्ट दिलं? पाहा

भारत आणि ऑस्ट्रेलिया यांच्यातील फायनल सामन्यापूर्वी भारताचा माजी क्रिकेटपटू सचिन तेंडुलकरने विराट कोहलीला खास गिफ्ट दिले आहे.

सचिन तेंडुलकरने २०११च्या विश्वचषकादरम्यान घातलेली जर्सी विराट कोहलीला भेट दिली. सचिन तेंडुलकरकडून मिळालेले गिफ्ट पाहून विराट कोहलीच्या चेहऱ्यावर स्मित हास्य दिसले.

सचिन तेंडुलकरने कोहलीला त्याच्या जर्सीसह एक पत्र पाठवले. या पत्रात सचिन तेंडुलकरने विराट तू आमचा अभिमान वाढवला आहेस, असे लिहिले आहे.

विराट कोहलीने वानखेडे मैदानावर न्यूझीलंडविरुद्धच्या विश्वचषक उपांत्य सामन्यात शतक झळकावून सचिन तेंडुलकरचा सर्वाधिक एकदिवसीय शतकांचा विश्वविक्रम मोडला. सचिन तेंडुलकरने ४५२ एकदिवसीय डावात ४९ शतके ठोकली आहेत. तर, कोहलीने २७९ एकदिवसीय डावात ५० शतके झळकावली आहेत.