Mumbai Rain : मुंबईसह ठाण्यात जोरदार पावसाची शक्यता, हवामान खात्याचा अंदाज काय?
Mumbai Rain : मुंबईसह ठाण्यात जोरदार पावसाची शक्यता, हवामान खात्याचा अंदाज काय?
- Mumbai Rain Updates : येत्या एक ते दोन दिवसांत मान्सूनच्या परतीच्या प्रवासाची सुरुवात होणार आहे. परंतु आता त्यापूर्वीच मुंबईकरांची चिंता वाढवणारी बातमी समोर आली आहे.
तुमच्या शहरातील हवामान जाणून घेण्यासाठी येथे क्लिक करा
अरबी समुद्रात तयार झालेल्या कमी दाबाच्या पट्ट्यामुळं राज्यातील किनारी भागांमध्ये पुढील काही तासांत मुसळधार पावसाचा अंदाज वर्तवण्यात आला आहे. त्यामुळं आता सामान्यांच्या चिंता वाढण्याची शक्यता आहे.
रविवारी म्हणजेच आज दुपारी किंवा संध्याकाळी मुंबईसह ठाणे, पालघर आणि नवी मुंबईत अतिमुसळधार पावसाचा अंदाज हवामान खात्याकडून वर्तवण्यात आला आहे. त्यामुळं आता मुंबईकरांना छत्री आणि रेनकोट बाहेर काढावे लागणार आहेत.
ठाणे, पालघर, नवी मुंबई आणि मुंबईच्या उपनगरीय भागांमध्ये आजपासून पुढील दोन दिवस वीजांच्या कडकडाटांसह मुसळधार पावसाचा अंदाज आहे. त्यामुळं कामावर जाणाऱ्या मुंबईकरांना मोठ्या अडचणींचा सामना करावा लागू शकतो.
अरबी समुद्रावरील कमी दाबाचा पट्टा उत्तर-ईशान्येकडे सरकत आहे. परंतु त्याचा सर्वाधिक परिणाम हा महाराष्ट्र, गोवा आणि कर्नाटकातील किनारी भागांमध्ये होण्याची शक्यता आहे.
गेल्या काही दिवसांपासून मुंबईतील काही ठिकाणी रिमझिम पाऊस होत आहे. परंतु आता पुढील काही तासांमध्ये जोरदार पावसाची शक्यता वर्तवण्यात आल्याने मुंबईतील सार्वजनिक वाहतूक व्यवस्थेवर त्याचा मोठा परिणाम होणार आहे.