भारतीय ऑटोमोबाईल क्षेत्रात गेल्या काही दिवसांपासून ह्युंदाई क्रेटा ईव्हीची जोरदार चर्चा सुरू होती. ह्युंदाई क्रेटा या लोकप्रिय एसयूव्हीची शुद्ध इलेक्ट्रिक आवृत्ती भारत मोबिलिटी ग्लोबल एक्स्पो २०२५ मध्ये लाँच करण्यात ली आहे. ह्युंदाई भारतीय इलेक्ट्रिक कार बाजारपेठेत मोठा हिस्सा काबीज करण्याचे लक्ष्य ठेवत आहे आणि क्रेटा ईव्ही त्या रणनीतीमध्ये महत्त्वपूर्ण भूमिका बजावेल. ह्युंदाई क्रेटा ईव्हीची किंमत समोर आली आहे. ह्युंदाई मोटर इंडियाने क्रेटा इलेक्ट्रिक १७.९९ लाख रुपयांच्या किमतीत लाँच केली आहे.
सेफ्टीसाठी या SUV मध्ये 6 एअरबॅग्ज, अँटी-लॉक ब्रेकिंगसह EBD, ADAS लेव्हल 2, ABS, EBD, हिल होल्ड असिस्ट आणि ESP सारखी फीचर्स असतील. ह्युंदाई क्रेटा ईव्ही क्रेटा आयसीईसारखेच डिझाइनसह येते. ह्युंदाई क्रेटा ईव्हीमध्ये फ्रंट प्रोफाइल आहे ज्यात समान उभ्या स्थितीत एलईडी हेडलॅम्प आणि एलईडी डेटाइम रनिंग लाइट्स (डीआरएल) आहेत. फरक फक्त पारंपारिक रेडिएटर ग्रिलच्या जागी बंद पॅनेल आहे.
या एसयूव्हीमध्ये एरोडायनामिक घटकांसह अलॉय व्हील्स आहेत. क्रेटा आयसीईप्रमाणेच टेलगेटच्या मध्यभागी चालणाऱ्या स्लीक एलईडी स्ट्रिपने जोडलेले एलईडी टेललाईट आहेत. फ्रंट आणि रिअर स्कीड प्लेट्सदेखील आहेत.
ही कार मीड-साईज इलेक्ट्रिक एसयूव्ही आहे. ही इलेक्ट्रिक एसयूव्ही दोन बॅटरी ऑप्शनमध्ये आणि 4 व्हेरिएंटमध्ये इंडियन मार्केटमध्ये उपलब्ध आहे. क्रेटा ईव्हीमध्ये ADAS आणि व्हेईकल टू लोड (V2L) यासह अनेक खास फीचर्सचा समावेश आहे.
ह्युंदाई क्रेटा ईव्हीमध्ये क्रेटा आयसीईसारखेच डिझाइन लेआउट देण्यात आले आहे. तथापि, काही वैशिष्ट्यपूर्ण घटक देखील आहेत. यात पॅनोरॅमिक सनरूफ, व्ही २ एल चार्जिंग, हवेशीर फ्रंट सीट, ड्युअल झोन क्लायमेट कंट्रोल, डिजिटल की, शिफ्ट बाय वायर टेक्नॉलॉजी, टचस्क्रीन इन्फोटेनमेंट सिस्टीम आणि पूर्णपणे डिजिटल इंस्ट्रूमेंट क्लस्टर, लेव्हल २ एडीएएस सूट यांचा समावेश आहे.
ह्युंदाई क्रेटा ईव्ही ही एक्झिक्युटिव्ह, स्मार्ट, प्रीमियम आणि एक्सलन्स अशा ४ ट्रिम लेव्हलमध्ये आणि ८ वेगवेगळ्या सिंगल टोन तसेच 2 ड्युअल-टोन कलर ऑप्शनमध्ये उपलब्ध आहे.
नवीन ह्युंदाई क्रेटा इलेक्ट्रिक ५१.४ किलोवॅट युनिट आणि ४२ किलोवॉट पॅक अशा दोन बॅटरी पॅक पर्यायांसह उपलब्ध असेल. या बॅटरी पॅकमध्ये सिंगल इलेक्ट्रिक मोटर सेटअप देण्यात आला आहे, जो अनुक्रमे १६९ बीएचपी आणि १३३ बीएचपी पीक पॉवर जनरेट करतो. दोन बॅटरी पॅक पर्याय अनुक्रमे ४९० किलोमीटर आणि ३९० किलोमीटरची रेंज देतील.
ह्युंदाई क्रेटा इलेक्ट्रिकची स्पर्धा ई-विटारा, टाटा कर्व्ह ईव्ही तसेच एमजी झेडएस ईव्ही, महिंद्रा एक्सयूव्ही ४०० आणि महिंद्रा बीई ६ शी आहे. क्रेटा ईव्हीची एक्स-शोरूम किंमत १७.९९ लाख रुपयांपासून ते १९.९९ लाख रुपयांपर्यंत आहे. क्रेटा ईव्हीचे बुकिंग सुरु झाले असून ग्राहक २५ हजार रुपये भरून ही गाडी बुक करू शकतात.