२२ जानेवारीला श्री राम ज्योत घरात कशी व कुठे लावायची? कोणता मंत्र म्हणायचा? जाणून घ्या

अयोध्येत २२ जानेवारीला प्रभु श्री रामांची प्राणप्रतिष्ठापणा होणार आहे. या दिवशी पंतप्रधानांनी देशवासियांना घरी राम ज्योती प्रज्वलित करण्यास सांगितले आहे. राम ज्योती कोणत्या वेळी प्रज्वलित करायची? कशी प्रज्वलित करायची? राम ज्योती प्रज्वलित करताना मंत्र कोणता म्हणायचा?
 

श्री रामांची प्रतिष्ठापणा होताना नाही तर सायंकाळच्या समयी राम ज्योती प्रज्वलित करायची आहे. प्रभू रामांसाठी मातीच्या दिव्यात राम ज्योती पेटवावी कारण ती सर्व सामान्यांना सहज उपलब्ध आहे. 
 

पण तुमची इच्छा असल्यास राम ज्योतीसाठी धातूचा दिवा देखील वापरू शकता. रामज्योती प्रज्वलित करण्यासाठी तीळ किंवा मोहरीचे तेल वापरावे. कुणाला तुपाचा दिवा लावायचा असेल तर अजूनच छान.
 

श्रीरामांच्या प्राणप्रतिष्ठेच्या दिवशी किमान एक दिवा लावावा. तुम्ही ११ किंवा १०८ दिवेदेखील लावू शकता. पण ११ दिवे लावणे फारच अशुभ आहे कारण प्रभू रामाने रावणाची १० मुंडकी उडवून विजय मिळवला होता. 
 

राम ज्योती प्रज्वलित केल्यानंतर, त्या ११ पैकी ५ दिवे आपल्या पूजास्थानी ठेवा. उर्वरित ६ दिवे घराचे मुख्य प्रवेशद्वार, अंगण यासह महत्त्वाच्या ठिकाणी ठेवता येतील. राम ज्योती प्रज्वलित करताना शुभम करोति कल्याणम, आरोग्य धन संपदम्, शत्रु बुद्धी विनाशाय, दीपम् ज्योति नमोस्तुते या मंत्राचा जप करा. 
 

रामज्योतीचा मुख्य दिवा रात्रभर तेवत राहो हे लक्षात ठेवा. तुमच्या संपूर्ण कुटुंबाला भगवान श्री रामाचा आशीर्वाद लाभेल आणि जीवनात सुख-शांती नांदेल.