Karisma Kapoor: कसं पडलं करिश्मा कपूरला ‘लोलो’ आणि करीनाला ‘बेबो’ नाव? भन्नाट किस्सा वाचाच...
Karisma Kapoor: कसं पडलं करिश्मा कपूरला ‘लोलो’ आणि करीनाला ‘बेबो’ नाव? भन्नाट किस्सा वाचाच...
May 08, 2024 03:58 PM IST
Karisma Kapoor: बॉलिवूड अभिनेत्री करिश्मा कपूर हिने एका कार्यक्रमादरम्यान तिच्या कुटुंबातील मजेदार नावांचे रहस्य उघड केले आहे. करिश्माने तिला ‘लोलो’ हे नाव कसे पडले ते सांगितले.
(1 / 4)
बॉलिवूड अभिनेत्री करिश्मा कपूर हिने एका कार्यक्रमादरम्यान तिच्या कुटुंबातील मजेदार नावांचे रहस्य उघड केले आहे. करिश्माने तिला ‘लोलो’ हे नाव कसे पडले ते सांगितले. एवढेच नाही, तर तिची बहीण करीनाचे नावही क्यूट आहे. इंडस्ट्रीतील सगळेच करीना कपूर-खानला ‘बेबो’ या टोपण नावाने हाक मारतात. करिश्माने सांगितले की, तिच्या कुटुंबात डब्बू, चिंटू, चिंपू अशी मजेदार नावे आहेत, त्यामुळे त्याच क्रमाने तिला आणि कारीनालाही अशी नावे मिळाली.(PTI)
(2 / 4)
राज कपूरच्या लाडक्या नाती करीना आणि करिश्मा यांची लाडाची नावे अतिशय गंमतीशीर आहेत. करिश्माने एका इव्हेंटमध्ये सांगितले की, तिला लोलो हे नाव कसे पडले. करिश्मा म्हणाली, माझी आई जीना लोलोब्रिगिडाची (इटालियन अभिनेत्री) मोठी चाहती होती. माझी आई सिंधी आहे. सिंधी लोकांच्या घरी ‘मिठी लोलो’ नावाचा पदार्थ बनतो. गोड रोटी किंवा पराठा असतो, ज्याला लोलो किंवा लोली म्हणतात. त्यामुळे मला ‘लोलो’ हे नाव पडले.
(3 / 4)
आमच्या संपूर्ण कुटुंबात डब्बू, चिंटू, चिंपू अशी मनोरंजक टोपणनावे आहेत, त्यामुळे यानंतर मला लोलो हे नाव मिळाले. त्यानंतर माझ्या बहिणीचा जन्म झाला. त्यामुळे तिच्यासाठीही अशाच वेगळ्या नावाचाही विचार व्हावा असे वाटले. ती लहान असताना माझे वडील तिला बेबो म्हणू लागले. लोलोमध्ये जसा 'ओ' होता, तसाच तो बेबोमध्येही 'ओ'मध्ये टाकण्यात आला.
(4 / 4)
करिश्मा कपूर तिचे आजोबा राज कपूर यांची लाडकी आहे. खुद्द करीना कपूरने एका मुलाखतीत ही माहिती दिली आहे. करीनाने याबद्दल सांगिताना म्हटले होते की, लोलोच्या डोळ्यांचा रंग आमच्या आजोबांच्या डोळ्यांशी मिळता-जुळता आहे. कदाचित म्हणूनच त्यांचे तिच्यावर जास्त प्रेम होते.
(5 / 4)
करीना कपूर-खान म्हणाली की, तिचे आजोबा करिश्माला दोन आंबे आणि तिला एकाच आंबा द्यायचे. त्यामुळेच तिला नेहमी वाटायचं की, आजोबा राज कपूर यांचं करिश्मावर जास्त प्रेम होतं. करिश्माचे डोळे राज कपूर यांच्यासारखे निळे आहेत आणि करीनाचे डोळे वडील रणधीर यांच्या डोळ्यांसारखे हिरव्या रंगाचे आहेत.
इतर गॅलरीज