Honor Magic V2: जगातील सर्वात पातळ फोल्डेबल स्मार्टफोन बाजारात; किंमत आणि खासियत घ्या जाणून

ऑनरने आपला नवीन फोन ऑनर मॅजिक व्ही २ लॉन्च केला आहे. हा फोल्डेबल स्मार्टफोन आहे. ऑनर मॅजिक व्ही २ जगातील सर्वात पातळ फोल्डेबल स्मार्टफोन असल्याचा दावा केला जात आहे. हा स्मार्टफोन ९.९ एमएम पातळ आहे. त्याचे एकूण वजन 231 ग्रॅम आहे. स्मार्टफोनमध्ये ७.९२ इंचाचा फोल्डेबल ओएलइडी स्क्रीन देण्यात आली. यापूर्वी, शाओमीचा मिक्स फोल्ड २  बद्दल असा दावा करण्यात आला होता की, हा सर्वात पातळ फोन आहे जो फक्त ११.२ एमएम आहे. त्याचे वजन २६२ ग्रॅम आहे.

या स्मार्टफोनमध्ये ७.९२ इंचाचा LTPO OLED प्राइमरी डिस्प्ले मिळतो, ज्याचे रिझोल्यूशन 2156x2344 पिक्सेल आहे. डिस्प्लेचा रिफ्रेश दर १२०Hz आहे, जो एचडीआर १० प्लसला सपोर् करतो. डिस्प्लेची कमाल ब्राइटनेस १,६०० निट्स आहे. यात १२०Hz च्या रिफ्रेश रेटसह ६.४३ इंच कव्हर स्क्रीन आहे. दुसऱ्या डिस्प्लेची कमाल ब्राइटनेस २,५०० निट्स आहे. या फोल्डेबल स्मार्टफोनमध्ये १२ जीबी रॅम आणि ५१२ जीबी स्टोरेज मिळते. याशिवाय, हा स्मार्टफोन १६ जीबी रॅम आणि १ टीबी स्टोरेज व्हेरिएंटसह देखील लॉन्च करण्यात आला आहे.

या फोल्डेबल स्मार्टफोनमध्ये ३ रिअर कॅमेरा सेटअप आहे. प्रायमरी लेन्स ५० मेगापिक्सल इतकी आहे, ज्यात अपर्चर f/1.9 आहे.यासह ऑप्टिकल इमेज स्टॅबिलायझेशन उपलब्ध आहे. यामध्ये दुसरी लेन्स ५० मेगापिक्सल्सची अल्ट्रा वाईड आणि तिसरी लेन्स २० मेगापिक्सल्सची आहे. ही टेलीफोटो लेन्स आहे आणि त्यासोबत ऑप्टिकल इमेज स्टॅबिलायझेशन देखील उपलब्ध आहे.

या फोल्डेबल स्मार्टफोनमध्ये Android १३ आधारित MagicOS ७.२ मिळतो. फोनमध्ये ५ हजार एमएएच सिलिकॉन कार्बन बॅटरी आहे, ज्यासह ६६W चार्जिंग उपलब्ध आहे.हा फोल्डेबल स्मार्टफोन ब्लॅक, सिल्क ब्लॅक, सिल्क पर्पल आणि गोल्ड या ४ रंगात लॉन्च करण्यात आला. या स्मार्टफोनची सुरुवाती किंमत ८ हजार ९९९ यु्आन म्हणजे १ लाख ०३ हजार ३३ रुपये आहे. चीनमध्ये २० जुलैपासून फोनची विक्री सुरू होणार आहे. भारतीय बाजारात याच्या उपलब्धतेबाबत सध्या कोणतीही माहिती नाही.