Holi 2024 : होळीच्या दिवशी करा 'या' खास गोष्टी, वैवाहिक संबंध मजबूत होतील

होळी, रंगांचा सण असून, दरवर्षी या सणाची आतुरतेने वाट पाहीली जाते. होलिका दहन दरवर्षी फाल्गुन महिन्यातील शुक्ल पक्षाच्या पौर्णिमेच्या रात्री होते, धुलिवंदनाच्या एक दिवस आधी होलिका दहन केले जाते. होलिका दहनासाठी एका ठिकाणी लाकडे गोळा करून पूजा केली जाते. यानंतर होलिकेला प्रदक्षिणा घालतात. शेवटी शुभ मुहूर्त पाहून होलिका दहन पूर्ण होते.

ज्योतिष शास्त्रानुसार होलिका दहनावर काही वस्तू अर्पण केल्याने वैवाहिक जीवनात आनंद मिळतो आणि कुटुंबातील सदस्यांमध्ये नेहमी प्रेम राहते. चला जाणून घेऊया २४ मार्च रोजी होलिका दहनात कोणकोणत्या गोष्टी अर्पण करणे शुभ आहे.

जर तुमच्या वैवाहिक जीवनात काही अडथळे किंवा समस्या असतील तर होलिका दहनाच्या वेळी प्रदक्षिणा करा आणि यज्ञ सामग्री अर्पण करा. असे मानले जाते की यामुळे वैवाहिक जीवनात सुख-समृद्धी येते.

तसेच होलिका दहनात कापूर आणि हिरवी वेलची टाकून कोणत्याही रोगापासून मुक्ती मिळते. या उपायाचा अवलंब केल्याने व्यक्ती या आजारापासून मुक्ती मिळते.

होळीच्या वेळी गव्हाचे पीकही काढले जाते. या कारणास्तव होलिकेच्या वेळी ते अन्न म्हणून दिले जाते. गव्हाच्या ५ काड्या बांधून होलिकेच्या अग्नीत अर्पण करा. असे करणे खूप फायद्याचे आहे.

लक्ष्मीला प्रसन्न करायचे असेल तर कोरडे खोबरे घेऊन त्यात साखर आणि तांदूळ घाला. होलिका दहन मध्ये हा उपाय केल्याने देवी लक्ष्मीची कृपा सदैव राहते.