Holi 2024: या आहेत भारतातील वेगवेगळ्या भागातील होळीच्या यूनिक रेसिपी, तुम्ही ट्राय केल्यात का?

होळी अवघ्या एका दिवसावर आली असताना भारताच्या विविध भागांतील विविध प्रकारच्या स्वादिष्ट पदार्थांचा आस्वाद घेण्यासाठी सज्ज व्हा. गोड पदार्थांपासून ते चविष्ट स्नॅक्सपर्यंत, प्रत्येक प्रदेशाच्या स्वतःच्या खास रेसिपी आहेत, ज्या सणासुदीच्या उत्सवात चव आणि आनंद वाढवतात. या रंगीबेरंगी सणादरम्यान भारतातील विविध पाक परंपरांचे दर्शन घडविणाऱ्या होळीच्या सात यूनिक रेसिपी येथे आहेत.
 

पुरण पोळी (महाराष्ट्र): पुरण पोळी हा पारंपारिक महाराष्ट्रीयन पदार्थ चणा डाळ, गूळ आणि वेलची, जायफळच्या मिश्रणाने भरलेला गोड पदार्थ आहे. तूपाबरोबर सर्व्ह केला जाणारा हा पदार्थ महाराष्ट्रातील होळीच्या मेजवानीचे सार दर्शवितो.
 

दही वडा (उत्तर भारत): एक रिफ्रेंशिंग आणि चविष्ट स्नॅक असलेल्या दही वडामध्ये मसालेदार दहीमध्ये भिजवलेले डाळीचे वडे आणि त्यावर चटणी आणि मसाले असतात. हा उत्तर भारतीय आवडते पदार्थ तुमच्या होळीच्या मेजवाणीत चवीची भर घालतो.
 

कलाकंद (दक्षिण भारत): मलईयुक्त आणि समृद्ध मिष्टान्न, कलाकंद ही वेलचीने सुशोभित आणि नट्सनी सजवलेली मिल्क बेस्ड स्वीट आहे. होळीच्या सणासुदीच्या भावनेला पूरक असा हा दक्षिण भारतीय पदार्थ एक स्वादिष्ट मेजवानी देतो.
 

मठरी (पश्चिम भारत): कुरकुरीत आणि चवदार स्नॅक असलेली मठरी ही ओवा आणि काळी मिरी सारख्या मसाल्यांसह भाजलेली, तळलेली पेस्ट्री आहे. राजस्थान आणि गुजरातमधील हा लोकप्रिय स्नॅक आपल्या होळीच्या मेनूमध्ये एक आनंददायक क्रंच देतो.
 

गुजिया (उत्तर भारत): होळीची एक उत्तम ट्रीट, गुजिया म्हणजे खवा, नट्स आणि नारळाने भरलेले गोड पदार्थ आहे, जे सोनेरी होईपर्यंत डीप फ्राय केलेले असते. हा उत्तर भारतीय पदार्थ सणाच्या समृद्धी आणि गोडव्याचे प्रतीक आहे.
 

मालपुआ आणि रबडी (पूर्व भारत): पूर्वेकडील एक गोड पॅनकेक, मालपुआ हा साखरेच्या पाकने भरलेला गोड पॅनकेक आहे. जो कंडेन्स्ड मिल्क, केशर आणि नट्सपासून बनवलेल्या क्रीमी रबडीसह सर्व्ह केला जातो. बंगाल आणि ओडिशामध्ये होळीच्या वेळी ही जोडी अवश्य पाहायला मिळते.

थंडाई (संपूर्ण भारत): थंड आणि सुगंधी पेय असलेल्या थंडाई मध्ये दूध, नट्स आणि केशर, वेलची आणि बडीशेप सारख्या मसाल्यांचे मिश्रण असते. या पारंपारिक होळी ड्रिंकचा आनंद त्याच्या रिफ्रेशिंग आणि फेस्टिव्ह फ्लेवरसाठी भारतभर घेतला जातो.