Healthy Heart: हार्ट अटॅक आणि स्ट्रोकचा धोका टाळण्यासाठी, आहारात समाविष्ट करा 'हे' ५ पदार्थ

हृदयाशी संबंधित आजारांचा धोका दिवसेंदिवस वाढत आहे.तर हृदयविकाराचा झटका आणि पक्षाघाताने मृत्यूमुखी पडणाऱ्यांची संख्याही वाढत आहे. धूम्रपान, शारीरिक  निष्क्रियता, चुकीच्या खाण्याच्या सवयी, लठ्ठपणा आणि इतर वाईट जीवनशैलीमुळे हृदयाशी संबंधित आजारांचा धोका वाढतो. अशा परिस्थितीत आपण स्वतःच्या आरोग्याबाबत जागरुक राहणे गरजेचे आहे. एकूणच शारीरिक आरोग्य सुधारण्यासाठी सर्वात महत्त्वाची गोष्ट म्हणजे आहाराकडे लक्ष देणे होय.

तुमच्या खाण्याच्या सवयी बदलणे अनेकदा अवघड असते पण ते अशक्य नसते. तुमच्या आहारात काही आरोग्यदायी आणि पौष्टिक पदार्थांचा समावेश करून तुम्ही तुमच्या हृदयाचे आरोग्य निरोगी ठेवू शकता. या गोष्टी लक्षात घेऊन आज आम्ही तुम्हाला हृदयाला अनुकूल असे काही पदार्थ सांगणार आहोत ज्यांचे सेवन तुमचे हृदय निरोगी ठेवण्यास मदत करेल.

बेरीज-
स्ट्रॉबेरी, ब्लूबेरी, ब्लॅकबेरी आणि रास्पबेरीमध्ये महत्त्वाचे पोषक घटक आढळतात. जे हृदयाच्या आरोग्यासाठी खूप फायदेशीर असतात. नॅशनल लायब्ररी ऑफ मेडिसिनच्या मते, बेरीमध्ये भरपूर प्रमाणात अँटिऑक्सिडंट असतात जे ऑक्सिडेटिव्ह तणाव आणि जळजळ यांचे परिणाम कमी करतात.

हिरव्या पालेभाज्या-
पालकसारख्या हिरव्या पालेभाज्यांमध्ये पुरेशा प्रमाणात जीवनसत्त्वे, खनिजे आणि अँटी-ऑक्सिडंट्स असतात. नॅशनल लायब्ररी ऑफ मेडिसिनच्या मते, त्यात व्हिटॅमिन के असते, जे रक्तवाहिन्यांचे संरक्षण करते आणि रक्त गोठण्यापासून प्रतिबंधित करते. यासह, त्यात आहारातील नायट्रेट असते जे रक्तदाब कमी करते आणि रक्तवाहिन्यांच्या पेशींच्या अस्तरांचे कार्य सुधारते.

एवोकॅडो
नॅशनल लायब्ररी ऑफ मेडिसिनच्या मते, एवोकॅडोमध्ये हृदयासाठी निरोगी मोनोसॅच्युरेटेड फॅट असते. त्याच्या सेवनाने कोलेस्टेरॉलची पातळी कमी होते आणि हृदयाचे आरोग्य राखले जाते. एवोकॅडोचे सेवन केल्याने खराब कोलेस्ट्रॉलची पातळी कमी होते आणि चांगल्या कोलेस्ट्रॉलची पातळी वाढते. नॅशनल हार्ट, लंग्ज अँड ब्लड इन्स्टिट्यूटनुसार, एवोकॅडोमध्ये पोटॅशियमचे प्रमाण पुरेसे असते. शरीरात पोटॅशियमचे पुरेसे प्रमाण रक्तदाब संतुलित ठेवते आणि हृदयविकाराचा झटका आणि पक्षाघाताचा धोका कमी करते.

अक्रोड-
नॅशनल लायब्ररी ऑफ मेडिसिनच्या मते, अक्रोडमध्ये फायबर आणि मॅग्नेशियम, तांबे आणि मँगनीज यांसारख्या इतर सूक्ष्म पोषक घटक असतात. यांनी केलेल्या संशोधनानुसार, अक्रोड खाणाऱ्या व्यक्तीला हृदयाशी संबंधित आजारांचा धोका कमी असतो.

टोमॅटो-
नॅशनल लायब्ररी ऑफ मेडिसिनच्या मते, टोमॅटोमध्ये लाइकोपीन असते, जे एक नैसर्गिक वनस्पती रंगद्रव्य आहे ज्यामध्ये अँटी-ऑक्सिडंट गुणधर्म असतात. अँटिऑक्सिडंट्स फ्री रॅडिकल्सचे हानिकारक प्रभाव कमी करतात आणि ऑक्सिडेटिव्ह नुकसान आणि जळजळ टाळतात. ऑक्सिडेटिव्ह नुकसानापासून ते जळजळीपर्यंत, हे सर्व घटक हृदयाशी संबंधित रोगांचा धोका वाढवतात. त्यामुळे टोमॅटो हृदयासाठी उपयुक्त आहे.

डार्क चॉकलेट
नॅशनल लायब्ररी ऑफ मेडिसिननुसार, डार्क चॉकलेटमध्ये फ्लेव्होनॉइड्ससारखे अँटी-ऑक्सिडंट्स पुरेशा प्रमाणात असतात. जे हृदयाच्या आरोग्याला चालना देतात. केलेल्या अभ्यासात असे दिसून आले आहे की, जे लोक मोठ्या प्रमाणात चॉकलेट खातात त्यांना हृदयाशी संबंधित आजारांचा धोका कमी असतो. चांगल्या दर्जाचे डार्क चॉकलेट निवडा ज्यामध्ये ७० टक्के कोको आहे.