Health Tips : नाश्त्यात स्प्राउट्स खाताय? थांबा, आधी ‘या’ ७ गोष्टी लक्षात ठेवा अन्यथा होऊ शकते नुकसान!
Health Tips : नाश्त्यात स्प्राउट्स खाताय? थांबा, आधी ‘या’ ७ गोष्टी लक्षात ठेवा अन्यथा होऊ शकते नुकसान!
फिटनेस फ्रीक स्प्राउट्सला ऊर्जेचे पॉवरहाऊस मानतात. स्प्राउट्स ही जिम आणि व्यायामप्रेमींची पहिली पसंती आहे. अशा लोकांना सकाळी रिकाम्या पोटी स्प्राउट्स खाणे आवडते, जेणेकरून त्यांना दिवसभर उर्जावान वाटू शकेल. अंकुरित धान्यांमध्ये विविध जीवनसत्त्वे, खनिजे आणि अँटीऑक्सिडंट्स असतात, जे संपूर्ण आरोग्यासाठी आवश्यक मानले जातात. आयुर्वेदानुसार स्प्राउट्स मध्ये पोषक तत्वे भरपूर प्रमाणात असतात. परंतु आरोग्याशी संबंधित त्याचे फायदे घेण्यासाठी त्यांचे काळजीपूर्वक सेवन करण्याचा सल्ला नेहमीच दिला जातो. ज्यासाठी स्प्राउट्सशी संबंधित काही नियमांचे पालन करणे आवश्यक आहे.
धान्याला मोड काढण्यासाठी नेहमी स्वच्छ भांड्यांचा वापर करावा. स्प्राउट्स भिजवण्यासाठी आणि धुण्यासाठी स्वच्छ आणि सुरक्षित पिण्याचे पाणी वापरा. जर नळाचे पाणी अत्यधिक क्लोरीनयुक्त असेल, तर ते पिण्यापूर्वी फिल्टर केले पाहिजे किंवा उकळले पाहिजे.
भिजवण्यापूर्वी धान्य चांगल्या प्रकारे धुवून घ्या. भिजवल्यानंतर, दिवसातून कमीतकमी दोनदा दर १२ तासांनी स्प्राउट्स चांगले धुवून वाळवा. उन्हाळ्यात दर ६ तासांनी स्प्राउट्स धुवून घ्यावेत.
अंकुरलेले धान्य खाण्यापूर्वी नेहमी तपासून घ्यावे. धान्याचा रंग खराब झाला असेल किंवा त्यातून दुर्गंधी येत असेल तर ते फेकून द्यावे. आयुर्वेदानुसार अंकुरलेले धान्य थंड स्वरूपाचे मानले जाते. हे वात आणि कफ सारख्या काही दोषांना वाढवते असे म्हटले जाते.
अशावेळी अंकुरलेले धान्य खाणाऱ्या व्यक्तीची प्रतिकारशक्ती कमकुवत असेल तर, बॅक्टेरियाची लागण होण्याचा धोका टाळण्यासाठी ते हलके शिजवण्याचा सल्ला दिला जातो.
कच्चे अंकुरलेले धान्य बऱ्याचदा अन्न विषबाधेस कारणीभूत ठरते. कारण स्प्राउट्समध्ये साल्मोनेला, ई.कोलाय आणि लिस्टेरियासारखे बॅक्टेरिया असू शकतात. ज्यामुळे फूड पॉयझनिंगचा धोका वाढू शकतो.