Teachers's Day 2024: कोणी दिले अभिनयाचे धडे तर कोणी मार्शल आर्ट्सचे, 'हे' कलाकार खऱ्या आयुष्यात होते शिक्षक

शिक्षक दिन दरवर्षी ५ सप्टेंबर रोजी साजरा केला जातो. प्रत्येकाच्या जीवनात शिक्षक महत्त्वाची भूमिका बजावतात. आज या खास प्रसंगी आम्ही तुम्हाला अशा बॉलिवूड स्टार्सविषयी सांगणार आहोत जे खऱ्या आयुष्यात शिक्षक बनले होते.

अनुपम खेर गेल्या अनेक वर्षांपासून आपल्या अभिनयाद्वारे प्रेक्षकांना वेड लावत आहेत, पण तुम्हाला माहित आहे का की अनुपम खेर एक अभिनय शाळा चालवतात ज्यामध्ये ते अभिनय शिकवतात. बॉलिवूड अभिनेत्री दीपिका पदुकोण अनुपम खेर यांची विद्यार्थिनी आहे.

अक्षय कुमार हे आज इंडस्ट्रीतील एक मोठे नाव आहे. मात्र, अभिनयात येण्यापूर्वी अक्षय कुमार मार्शल आर्ट्सचा शिक्षक होता. तो जगभर फिरून ही कला शिकवत असे.

कादर खान हे इंडस्ट्रीतील सर्वोत्कृष्ट अभिनेत्यांपैकी एक होते. कादर खान यांनी 2018 साली जगाचा निरोप घेतला. पण तुम्हाला माहित आहे का की अभिनयापूर्वी कादर खान हे देखील शिक्षक होते. १९७० ते १९७५ पर्यंत, कादर खान यांनी मुंबईतील भायखळा येथील एका महाविद्यालयात सिव्हिल इंजिनीअरिंगचे शिक्षण म्हणून काम केले.

अभिनयात सरस असलेले चंद्रचूर सिंह हे खऱ्या आयुष्यातही शिक्षक होते. चंद्रचूर सिंह यांनी दून पब्लिक स्कूलमध्ये इतिहास हा विषय शिकवला आहे. त्याच वेळी, अभिनेत्याने वसंत व्हॅली स्कूलमधील मुलांना संगीताचे धडे दिले आहेत

भारतीय अभिनेत्री आणि दिग्दर्शिका नंदिता दास यांनी दिल्ली स्कूल ऑफ सोशल वर्कमधून पदव्युत्तर शिक्षण पूर्ण केले. त्यानंतर त्या आंध्र प्रदेशमधील ऋषी व्हॅली शाळेमध्ये संचालक आणि शिक्षिका म्हणून काम करत होत्या.

दंगल गर्ल सान्या मल्होत्रा ​​अभिनयापूर्वी मुलांना नृत्य शिकवायची. तिने नृत्य शिक्षिका म्हणून काम केले.

बंगाली अभिनेते उत्पल दत्त यांनी कोलकाता येथील साऊथ पॉइंट हायस्कूलमध्ये इंग्रजी शिक्षक म्हणून काम केले.