Amitabh Bachchan Birthday: हॉलिवूड दिग्गजांनीही अमिताभ बच्चन यांची भुरळ; पाहा काय म्हणाले कलाकार...
Amitabh Bachchan Birthday: हॉलिवूड दिग्गजांनीही अमिताभ बच्चन यांची भुरळ; पाहा काय म्हणाले कलाकार...
Oct 11, 2023 11:33 AM IST
Happy Birthday Amitabh Bachchan: हॉलिवूड कलाकारांना देखील अमिताभ बच्चन यांच्या अभिनयाची भुरळ पडली आहे. पाहा काय म्हणाले हे कलाकार...
(1 / 6)
Happy Birthday Amitabh Bachchan: बॉलिवूड अभिनेते अमिताभ बच्चन यांचा आज (११ ऑक्टोबर) ८१वा वाढदिवस आहे. बॉलिवूडप्रमाणेच अमिताभ बच्चन यांनी हॉलिवूडमध्येही आपला झेंडा रोवला आहे. अमिताभ बच्चन यांनी बेज लुहर्मन दिग्दर्शित ‘द ग्रेट गॅट्सबी’ या चित्रपटात ज्यू गँगस्टर मेयर वोल्फशेमची भूमिका केली होती. या चित्रपटातील कलाकरांनाही अमिताभ बच्चन यांच्या अभिनयाची भुरळ पडली आहे. पाहा काय म्हणाले हे कलाकार…
(2 / 6)
लिओनार्डो डिकॅप्रिओ: हॉलिवूड अभिनेता लिओनार्डो डिकॅप्रिओ याने ‘द ग्रेट गॅट्सबी’मध्ये अमिताभ बच्चन यांच्यासोबत महत्त्वपूर्ण भूमिका साकारली होती. या दरम्यानचा अनुभव सांगताना अभिनेता म्हणाला, ‘मी भारतीय चित्रपट पाहिले नव्हते. पण, अमिताभ बच्चन यांच्याबद्दल खूप ऐकून होतो. त्यांच्याकडे सांगण्यासारखी अनेक गोष्टी होत्या. त्यांनी आपल्या कारकिर्दीची सुरुवात कशी केली, हे जाणून घेतल्यानंतर आता त्यांच्यासोबत स्क्रीन शेअर करायला मिळाली याचा सन्मान वाटतो आहे. कॅमेरासमोरचे अमिताभ बच्चन आणि कॅमेरामागचे अमिताभ यांच्यात खूप फरक आहे.’
(3 / 6)
टोबे मॅग्वायर: ‘द ग्रेट गॅट्सबी’ या चित्रपटामध्ये अभिनेते टोबे मॅग्वायर यांनी ‘निक कॅरावे’ हे पात्र साकारले होते. त्यांनी अमिताभ बच्चन यांच्यासोबत स्क्रीन शेअर करण्याचा अनुभव सांगितला आहे. अमिताभ बच्चन यांच्याबद्दल बोलताना ते म्हणाले की, ‘अमिताभ हे खरंच अतिशय नम्र व्यक्तिमत्त्व आहे. ते खूप महान आहेत. त्यांच्या उपस्थितीत तुम्हाला याची जाणीव होतेच. अशा प्रतिभावान अभिनेत्यासोबत काम करण्याचा अनुभव खूप कमाल होता.’
(4 / 6)
मार्टिन स्कॉर्सेस: ‘द किलर्स ऑफ द फ्लॉवर मून’ या चित्रपटाचे दिग्दर्शकही अमिताभ बच्चन यांच्याबद्दल भरभरून बोलले आहेत. अमिताभ बच्चन यांचं कौतुक करताना ते म्हणाले की, ‘अमिताभ बच्चन यांनी भारतीय चित्रपटांचा वारसा जपला आहे. पाच दशकांहून अधिक काळाची त्यांची चित्रपट कारकीर्द कमाल आहे. आपल्या अभिनयाने त्यांनी जगभरात भारतीय चित्रपटाचे नाव उंचावले आहे.’
(5 / 6)
ख्रिस्तोफर नोलन: ‘ओपनहायमर’ दिग्दर्शक ख्रिस्तोफर नोलन यांनी २०२१मध्ये अमिताभ बच्चन यांना ‘द इंटरनॅशनल फेडरेशन ऑफ फिल्म आर्काइव्हज’चा पुरस्कार प्रदान केला होता. यावेळी ते म्हणाले होते की, जगभरातील चित्रपटांचा वारसा जपण्यात अमिताभ बच्चन यांचा मोठा वारसा आहे.
(6 / 6)
बेज लुहर्मन: ‘द ग्रेट गॅट्सबी’चे दिग्दर्शक बेज लुहर्मन यांनी अमिताभ बच्चन यांना या चित्रपट विशेष कॅमिओ भूमिका दिली होती. अमिताभ बच्चन यांच्यासोबत काम करण्याचा अनुभव शेअर करताना ते म्हणाले की, ‘अमिताभ बच्चन सेटवर नवी उर्जा आणि प्रेरणा घेऊन येतात. त्यांच्याकडे खूप अनुभव आहे. सेटवर देखील ते हा अनुभव शेअर करायचे. ते बोलायला लागले की, आम्ही सगळे शांतपणे ऐकायचो. जेव्हा एखादा वयस्क अभिनेता नव्या पिढीला आपले अनुभव शेअर करतो, ते खूप महत्त्वाचे असतात.’
इतर गॅलरीज