Hamare Baarah Controversy: ‘हम दो हमारे बारा’चं नव्हे तर, बॉलिवूडच्या ‘या’ चित्रपटांवरूनही माजला होता गदारोळ!
Hamare Baarah Controversy: ‘हम दो हमारे बारा’चं नव्हे तर, बॉलिवूडच्या ‘या’ चित्रपटांवरूनही माजला होता गदारोळ!
Jun 02, 2024 10:27 AM IST
Hamare Baarah Controversy: अन्नू कपूर आणि मनोज जोशी यांच्या 'हम दो हमारे बारा' या चित्रपटाचा वाद संपत नाहीये. या चित्रपटाचा ट्रेलर ३० मे रोजी रिलीज झाला होता, मात्र आता तो काढून टाकण्यात आला आहे.
(1 / 7)
अन्नू कपूर आणि मनोज जोशी यांच्या 'हम दो हमारे बारा' या चित्रपटाचा वाद संपत नाहीये. या चित्रपटाचा ट्रेलर ३० मे रोजी रिलीज झाला होता, मात्र आता तो काढून टाकण्यात आला आहे.
(2 / 7)
'हम दो हमारे बारा' या चित्रपटाचा संपूर्ण वाद टीझर रिलीज झाल्यानंतर झाला. टीझरमध्ये महिलांची तुलना सलवारच्या नाड्याशी करताना दाखवण्यात आली आहे. एका विशिष्ट धर्माच्या लोकांची कथा या चित्रपटात दाखवण्यात येणार आहे.
(3 / 7)
मात्र, 'हम दो हमारे बारा' हा वादाचा सामना करणारा पहिला चित्रपट नाही. याआधीही बॉलिवूडचे अनेक चित्रपट वेगवेगळ्या कारणांमुळे वादात सापडले आहेत. पाहा यादी…
(4 / 7)
द केरळ स्टोरी: हा चित्रपट २०२३ सालातील सर्वात वादग्रस्त चित्रपटांपैकी एक होता. काही मुलींना विशिष्ट गटातील तरुणांकडून विविध प्रकारची आमिषे देऊन फसवून त्यांचा धर्म बदलून त्यांना सीरियासारख्या देशात पाठवले जाते, असे या चित्रपटात दाखवण्यात आले होते. मात्र, वादानंतरही या चित्रपटाने चांगली कमाई केली होती.
(5 / 7)
पठान: या चित्रपटाच्या माध्यमातून शाहरुख खान मोठ्या ब्रेकनंतर चित्रपटाच्या पडद्यावर परतला होता. या चित्रपटातील 'बेशरम रंग' या गाण्यात दीपिकाच्या कपड्यांवरून गदारोळ झाला होता. दीपिकाच्या केशरी रंगाच्या बिकिनीवरून गदारोळ झाला होता. मात्र, शाहरुखच्या या चित्रपटाने बॉक्स ऑफिसवर चांगलीच कमाई केली होती.
(6 / 7)
पद्मावत: हा चित्रपट २०१८ साली प्रदर्शित झाला होता. या चित्रपटातून राजपूत समाजाचा अपमान केल्याचा आरोप करणी सेनेने केला होता. चित्रपटाच्या शूटिंगदरम्यान जयपूरमध्ये संजय लीला भन्साळी यांना करणी सेनेच्या काही तरुणांनी मारहाण केली होती. वादानंतरही या चित्रपटाने चांगली कमाई केली.
(7 / 7)
द काश्मीर फाइल्स: या चित्रपटाबाबतही बराच गदारोळ झाला होता. हा चित्रपट अपप्रचार आणि दिशाभूल करणारा असल्याचा आरोप करण्यात आला होता. जम्मू-काश्मीरमधील काश्मिरी पंडितांवर होणारे अत्याचार आणि स्थलांतर यावर हा चित्रपट आधारित आहे. या चित्रपटाने बॉक्स ऑफिसवर खळबळ उडवून दिली होती.
(8 / 7)
उडता पंजाब: शाहिद कपूर स्टारर या चित्रपटावर पंजाबची प्रतिमा खराब केल्याचा आरोप करण्यात आला होता. या चित्रपटात पंजाबमधील ड्रग्ज आणि व्यसनाच्या समस्येवर चर्चा करण्यात आली होती. मात्र, वादानंतरही या चित्रपटाने चांगली कमाई केली.
इतर गॅलरीज