Hair Care: केसांना लांबलचक आणि जाड बनवायचं आहे? मग 'हे' घरगुती उपाय नक्की येतील कामी

केस दाट आणि लांबलचक असले की ते खूप सुंदर दिसतात. पण चुकीचा आहार, जीवनशैली आणि हार्मोन्सच्या असंतुलनामुळे केस गळायला लागतात. त्यामुळे लोकांची चिंता वाढू लागली आहे. 

अशा परिस्थितीत काही घरगुती उपाय आहेत ज्याचा वापर करून केस पुन्हा दाट आणि लांबलचक होऊ शकतात. हे केस गळणे आणि तुटणे टाळण्यासाठी देखील काम करते. अशा परिस्थितीत हे घरगुती उपाय काय आहेत ते जाणून घेऊया.

मेथी दाणे-
जर तुम्ही केस पातळ होण्याच्या समस्येने त्रस्त असाल तर मेथी दाणे वापरा. यासाठी तुम्हाला पिवळी मेथी दाणे रात्रभर भिजवावे लागतील. सकाळी बारीक करून पेस्ट बनवा. ही पेस्ट केसांना अर्धा तास लावा आणि नंतर पाण्याने धुवा. असे काही दिवस नियमित केल्यास त्याचा परिणाम तुम्हाला दिसून येईल. मेथीमध्ये आढळणारे पोषक तत्व केसांचे पोषण करण्याचे काम करतात.

अंडी वापरा-
केस जाड आणि दाट करण्यासाठी, आपल्या केसांना अंडी लावणे सुरू करा. यामध्ये असलेली प्रथिने आणि पोषक घटक केसांचा पोत मजबूत करण्यास मदत करतात. यासाठी तुम्हाला आठवड्यातून दोनदा 20 मिनिटे अंडी लावावी लागतील. काही दिवसात तुम्हाला त्याचे परिणाम दिसू लागतील.

केसांमध्ये कोरफडीचा गर लावा-
कोरफडीचा वापर करून केस दाट आणि जाड  करता येतात. यासाठी तुम्हाला बोटांच्या मदतीने टाळूवर कोरफडीचे जेल लावावे लागेल. सुमारे 30 मिनिटांनंतर पाण्याने धुवा. हे काम तुम्हाला आठवड्यातून दोनदा करावे लागेल आणि त्याचा परिणाम काही दिवसातच दिसून येईल.

आवळा आणि लिंबाचा रस-
तुम्ही आवळा आणि लिंबू पेस्टच्या स्वरूपात तयार करून केसांना लावू शकता. यामध्ये व्हिटॅमिन सी सारखे अनेक पोषक घटक आढळतात जे केसांचे पोषण करण्यास मदत करतात. केस सुकेपर्यंत पेस्ट काही वेळ केसांवर राहू द्या आणि नंतर पाण्याने धुवा.
 

खोबरेल तेल आणि कढीपत्ता-
केस दाट करण्यासाठी खोबरेल तेल आणि कढीपत्ता वापरता येतो. यासाठी खोबरेल तेलात काही कढीपत्ता मिसळा आणि गरम करा. कढीपत्ता काळे होईपर्यंत शिजवा आणि थंड झाल्यावर डोक्याला लावा. खोबरेल तेल आणि कढीपत्त्यापासून बनवलेले तेल आठवड्यातून 2 ते 3 वेळा लावा.