DC vs GT IPL 2023 : सुदर्शन-मिलरच्या वादळासमोर दिल्ली भूईसपाट, गुजरातचा सलग दुसरा विजय

DC vs GT IPL 2023 : घरच्या मैदानावर दिल्लीची दाणादाण करत हार्दिक पांड्याच्या गुजरात टायटन्सने आयपीएलमध्ये सलग दुसरा विजय मिळवला आहे.

साई सुदर्शनच्या ६२ आणि डेव्हिड मिलरने ३१ धावांची तुफानी खेळी करत गुजरातला सहा गड्यांनी विजय मिळवून दिला.

दिल्लीने गुजरातसमोर विजयासाठी १६३ धावांचं लक्ष्य ठेवलं होतं, गुजरातने १८.१ षटकात चार गडी गमावत सहज विजय मिळवला.

गुजरातकडून साई सुदर्शनने सर्वाधिक ६२ धावा केल्या. याशिवाय डेव्हिड मिलरने ३१, विजय शंकरने २९ आणि वृद्धिमान साहाने १४ धावांची खेळी केली.

दिल्लीचा कर्णधार डेव्हिड वॉर्नरने सर्वाधिक ३६, अक्षरने ३६ आणि सरफराज खानने ३० धावांचं योगदान दिलं.

दिल्लीकडून नॉर्कियाने चार षटकांत ३९ धावा देत दोन गडी बाद केले.