Election Results 2022 : गुजरातमध्ये भाजप विजयाच्या उंबरठ्यावर , हिमाचल प्रदेशांत काटे की टक्कर, पाहा फोटो

गुजरात आणि हिमाचल प्रदेश विधानसभा निवडणुकीच्या मतमोजणीला गुरुवारी सकाळी ८ वाजता सुरुवात झाली. सुरुवातीपासून गुजरातमध्ये भाजप आघाडीवर आहे. तर भारतीय राष्ट्रीय काँग्रेस (INC)ची मात्र, दाणादाण उडाली आहे.

गुजरातमधील मतमोजणीत भाजप तब्बल १४९ जागांवर विजय मिळवण्याची शक्यता आहे. तर कॉँग्रेसला २५ जागांवर कॉँग्रेसला समाधान मानावे लागणार असे चित्र आहे.

मतमोजणीच्या तासाभरानंतर आम आदमी पार्टी (आप) गुजरातमध्ये चार जागांवर आघाडीवर असल्याचे दिसून आले.

निवडणूक आयोगाने सकाळी ९.१५ पर्यंत शेअर केलेल्या आकडेवारीनुसार एकूण १८२ जागांपैकी ५२ विधानसभा जागांचे कल दिसून आले.

गुजरात विधानसभा निवडणुकीच्या मतमोजणीला आज सकाळी ८ वाजता ३३ जिल्ह्यांतील ३७ केंद्रांवर सुरुवात झाली.

गुजरातमध्ये १ आणि ५ डिसेंबरला दोन टप्प्यांत विधानसभा निवडणुका झाल्या.

गुजरात निवडणुकीच्या दुसऱ्या टप्प्याच्या अखेरीस गुजरातमध्ये अंदाजे मतदान ५९.११ टक्के नोंदवले गेले.

एक्झिट पोलने गुजरातमध्ये भारतीय जनता पक्षाचा (भाजप) स्पष्ट विजय झाल्याचे संकेत दिले आहेत.

हिमाचल प्रदेशमध्ये काँग्रेस ३४ जागांवर आघाडीवर आहे, तर भाजप पिछाडीवर आहे.

हिमाचल प्रदेशचे मुख्यमंत्री जय राम ठाकूर सध्या सेराज जागेवर १०३२६ मतांनी आघाडीवर आहेत तर या जागेसाठी काँग्रेसचे उमेदवार चेत राम यांना आतापर्यंत ३६९४ मते मिळाली आहेत.

५ डिसेंबर रोजी वर्तवण्यात आलेल्या एक्झिट पोलनुसार, हिमाचल प्रदेशमध्ये भाजपला काँग्रेसवर कडवी टक्कर देणार आहे.

हिमाचल प्रदेशमध्ये, राज्यभरात ५९ ठिकाणी ६८ केंद्रावर मतमोजणी सुरू आहेत.

हिमाचल प्रदेशमध्ये १२ नोव्हेंबर रोजी निवडणूक झाली ज्यामध्ये ७५.६ टक्के मतदानाची टक्केवारी नोंदवली गेली.