Guava Benefits : थंडीच्या दिवसांत रोज खा एक पेरू, वजनापासून ते मधुमेह नियंत्रणापर्यंतच्या समस्या होतील दूर!
Guava Benefits : थंडीच्या दिवसांत रोज खा एक पेरू, वजनापासून ते मधुमेह नियंत्रणापर्यंतच्या समस्या होतील दूर!
अनेक प्रकारच्या फळांसोबतच थंडीच्या मोसमात पेरू ही भरपूर प्रमाणात बाजारात येतो. पेरू तुमच्या शरीरासाठी खूप फायदेशीर आहे. याशिवाय तो खायलाही चविष्ट आहे.जर, तुम्ही हिवाळ्यात पेरूचे सेवन केले तर, ते पोट साफ ठेवण्यास मदत करतेच. पण, त्याचबरोबर अनेक आजारांपासून दूर राहता येते.
फायबरने समृद्ध असलेला पेरू केवळ पोट साफ करत नाही, तर बद्धकोष्ठता देखील दूर करतो आणि पचनसंस्था निरोगी ठेवण्यास देखील मदत करतो. याशिवाय इतरही अनेक आजारांपासून संरक्षण करण्यात मदत होते. चला जाणून घेऊया हिवाळ्यात पेरू खाण्याचे काय फायदे आहेत?
जर तुम्हाला वजन कमी करायचे असेल, तर तुम्ही तुमच्या आहारात पेरूचा समावेश करू शकता. पेरूमध्ये असलेले फायबर वजन कमी करण्यासही मदत करते. या फळामध्ये कॅलरीजचे प्रमाण खूप कमी असते, ज्यामुळे पोटाची चरबी कमी होते.
अनेक महिलांना मासिक पाळीच्या दरम्यान क्रॅम्पच्या समस्येचा सामना करावा लागतो. पेरू आणि त्याची पाने यांचे सेवन केल्यास ही समस्या बऱ्याच प्रमाणात कमी होऊ शकते. एका अभ्यासात असेही दिसून आले आहे की, पेरूचा वापर वेदनाशामकांपेक्षा अधिक प्रभावी आहे.
पेरूमध्ये व्हिटॅमिन सी मुबलक प्रमाणात असते, जे आपल्या शरीराची रोगप्रतिकारक शक्ती मजबूत करण्यास मदत करते. संशोधनात असे आढळून आले आहे की, व्हिटॅमिन सी थंडीचा प्रभाव कमी करण्यासाठी तसेच, बॅक्टेरियाशी लढण्यासाठी प्रभावी ठरू शकतो.
मधुमेहाच्या रुग्णांसाठी पेरू खूप फायदेशीर ठरू शकतो. पेरूमध्ये कमी ग्लायसेमिक इंडेक्स आहे. यामुळे रक्तातील साखरेची पातळी कमी होते. यामध्ये असलेले फायबर देखील साखरेसाठी चांगले मानले जाते.