Golden Globe Awards 2024: टेलर स्विफ्ट ते सेलिना गोमेझ; 'गोल्डन ग्लोब'च्या मंचावर अभिनेत्रींचा जलवा!

यंदाच्या ८१व्या गोल्डन ग्लोब पुरस्कारांचे आयोजन अमेरिकेतील कॅलिफोर्निया येथे मोठ्या थाटात करण्यात आले होते. या पुरस्कार सोहळ्यात बॉलिवूडच्या टॉप अभिनेत्रींनी आपल्या फॅशनचा जलवा दाखवला.

गायिका दुआ लिपा ऑल-ब्लॅक लूकमध्ये ८१व्या वार्षिक गोल्डन ग्लोब अवॉर्ड्समध्ये पोहोचली होती. फिश-कट डिझाईन बॉडीकॉन ऑफ-द-शोल्डर गाउनमध्ये दुआ खूप सुंदर दिसत होती.

जगातील सर्वात लोकप्रिय गायकांपैकी एक टेलर स्विफ्ट चमकदार हिरव्या गाऊनमध्ये ‘गोल्डन ग्लोब’च्या रेड कार्पेटवर चमकली.

अभिनेत्री जेनिफर लॉरेन्सने ‘गोल्डन ग्लोब्स’च्या रेड कार्पेटवर मिनिमलिस्ट लूक कॅरी केला होता. अभिनेत्रीने काळ्या रंगाचा डायर गाउन परिधान केला होता.

हॉलिवूड अभिनेत्री जेनिफर लोपेझचा २०२४चा गोल्डन ग्लोब लूक ग्रेस आणि ग्लॅमरचे परिपूर्ण मिश्रण दाखवतो. अभिनेत्री जेनिफर लोपेझ पेस्टल गुलाबी गाऊनमध्ये या सोहळ्यात पोहोचली होती.

अभिनेत्री सेलिना गोमेझ हिने लाल रंगाच्या सुंदर शिमरी गाऊनमध्ये सगळ्यांच्या नजरा आपल्यावर खिळवून ठेवल्या होत्या. या ड्रेससोबत तिने रुबी लाल रंगाच्या हिल्स परिधान केल्या होत्या. 

‘बार्बी’ चित्रपट फेम अभिनेत्री मार्गोट रॉबी गुलाबी रंगाच्या बॉडी फिटेड ड्रेसमध्ये अगदी खरीखुरी 'बार्बी' वाटत होती.