Ganga Dussehra 2024 : गंगा दशहरा कधी आहे? जाणून घ्या प्रारंभ व समाप्तीची तिथी आणि स्नान-दानाची वेळ

सनातन धर्मात गंगा नदीला अत्यंत पवित्र आणि मोक्ष देणारी मानले जाते. गंगेच्या पाण्याचा एक थेंब मनुष्याच्या सर्व पापांचा नाश करून त्याला सुख देतो असे सांगितले जाते. गंगा दशहरा दरवर्षी जैष्ठ महिन्यातील शुक्ल पक्षातील दहाव्या तिथीला साजरा केला जातो.

यावर्षी गंगा दशहरा शुक्रवार ७ जून पासून प्रारंभ होत असून, रविवार १६ जून २०२४ रोजी समाप्ती होत आहे. या दिवशी गंगास्नानासाठी ब्रह्म मुहूर्त सर्वोत्तम आहे. तसेच, या दिवसाची शुभ वेळ सकाळी ७ वाजून ८ मिनिटे ते सकाळी १० वाजून ३७ मिनिटापर्यंत आहे.

गंगा दशहऱ्याला गंगावतरण असेही म्हणतात. राजा भगीरथच्या पूर्वजांच्या शापित आत्म्यांना शुद्ध करण्यासाठी माता गंगा पृथ्वीवर अवतरली होती अशी पौराणिक कथा आहे.

गंगा दशहऱ्याला जलसंधारण, स्नान आणि जलदान यांचे विशेष महत्त्व आहे. हे मानवी १० प्रकारच्या पापांचा नाश करते. प्रयागराज, गरममुक्तेश्वर, हरिद्वार, ऋषिकेश आणि वाराणसी येथे भाविक पवित्र स्नानासाठी येतात. वाराणसीमध्ये गंगा दसरा उत्सव प्रसिद्ध आहे.

गंगा दशमीला गंगेत स्नान - 

गंगां वारि मनोहारि मुरारिचरणच्युतं । त्रिपुरारिशिरश्चारि पापहारि पुनातु मां ।। या मंत्राचा जप करा. त्यानंतर गंगा मातेचे पूजन करावे.

गंगा दशहऱ्याला गंगेत स्नान केल्याने हे १० पापे नष्ट होतात - 

मत्सर, व्यभिचार, परस्त्रीयांकडे चुकीच्या नजरेने बघणे, न दिलेली वस्तू घेणे, कठोर शब्द उच्चारणे, खोटे बोलणे, इतरांचे नुकसान करण्यासाठी बोलणे, इतरांचे पैसे घेणे, दुसऱ्याचा वाईट विचार करणे, व्यर्थ गोष्टी वाढवणे इ.

टीप : ही माहिती केवळ श्रद्धा आणि विविध माध्यमांवर आधारित आहे.अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.