Ganesh Chaturthi : गणेशोत्सवात करा ‘या’ खास गोष्टी; बाप्पा विघ्न दूर करेल, सुख-समृद्धी नांदेल!

गणेशोत्सवाची सुरुवात दरवर्षी गणेश चतुर्थीपासून होते. मान्यतेनुसार श्रीगणेश हे सर्व प्रकारचे विघ्न दूर करणारे आणि शुभ फल देणारे मानले जातात. गणेश चतुर्थीला गणेशमूर्तीची स्थापना करून दहा दिवस त्याची पूजा केली जाते.

हा सण दरवर्षी भाद्रपद महिन्यातील चतुर्थीला साजरा केला जातो. हा सण साधारणपणे ऑगस्ट किंवा सप्टेंबरमध्ये येतो. गणेश चतुर्थीच्या दिवशी काही ज्योतिषीय उपाय केल्यास अनेक प्रकारच्या समस्यांपासून मुक्ती मिळू शकते.

गणेशोत्सवाची सुरुवात: वैदिक दिनदर्शिकेनुसार, यावर्षी भाद्रपद महिन्यातील शुक्लपक्षातील चतुर्थी तिथी ६ सप्टेंबर रोजी दुपारी ३:०१ वाजता सुरू होईल आणि दुसऱ्या दिवशी म्हणजे ७ सप्टेंबरला सायंकाळी ५:३७ वाजता समाप्त होईल. 

उदया तिथीनुसार या वर्षी गणेश चतुर्थी शनिवार ७ सप्टेंबर रोजी साजरी होणार आहे. या दिवशी गणेशमूर्तींची प्रतिष्ठापना करून उपवास केला जाणार आहे.

बाप्पाची पूजा: 

गणेश चतुर्थीच्या वेळी गणपतीची पूजा करा. श्रीगणेशाच्या मूर्तीची स्थापना करून मोदक, लाडू आणि ताजी फुले, फळे अर्पण करा. चतुर्थीला गणपतीची पूजा केल्याने घरात सुख-समृद्धी येते.

गरजूंना मदत करा: 

गणेश चतुर्थीच्या दिवशी आणि संपूर्ण गणेशोत्सवा दरम्यान गरीब आणि गरजूंना अन्न किंवा कपडे दान करा. या दिवशी दान केल्यास गणेशाचा विशेष आशीर्वाद प्राप्त होतो.

या मंत्रांचा जप करा: 

गणेश चतुर्थीच्या वेळी ॐ गण गणपतये नमः किंवा ॐ विघ्नेश्वराय नमः या मंत्राचा जप करा. श्रीगणेशाचा आशीर्वाद मिळविण्यासाठी हे मंत्र उपयुक्त आहे.

बाप्पाला नैवेद्य अर्पण करा: 

गणपतीला घरगुती मोदक अर्पण करा. मोदक हा बाप्पाचा आवडता प्रसाद मानला जातो. असे केल्याने गणेशाची कृपा प्राप्त होते.

गणेश चालिसा पठण: 

गणेश चतुर्थीला गणेश चालिसा पठण करा. या दिवशी गणेश चालीसाचे पठण करणे अत्यंत शुभ मानले जाते. परिणामी, जीवनात सुरू असलेल्या त्रासांपासून तुमची सुटका होईल. विघ्नहर्ता विघ्न दूर करेल.