राजकुमार रावपासून ते तापसी पन्नूपर्यंत; बॉलिवूडच्या स्टार किड्सनी हिसकावून घेतले 'या' कलाकारांचे सिनेमे!
राजकुमार रावपासून ते तापसी पन्नूपर्यंत; बॉलिवूडच्या स्टार किड्सनी हिसकावून घेतले 'या' कलाकारांचे सिनेमे!
May 29, 2024 10:15 AM IST
Bollywood Actor Lost Movies: बॉलिवूडच्या स्टार किड्सनी हिसकावून घेतले 'या' कलाकारांचे चित्रपट!
(1 / 6)
बॉलिवूडमधील स्टारकिड्स आणि नेपोटिझमचा मुद्दा नेहमीच चर्चेचा विषय राहिला आहे. स्टारकिड्समुळे खऱ्या टॅलेंटला संधी मिळत नाही, असं मानणारा एक वर्ग इंडस्ट्रीत आहे. तर, काही सेलिब्रेटींचे मत आहे की, टॅलेंट नसेल तर चित्रपट चालणार नाहीत आणि टॅलेंटलेस नवोदितांना संधी देऊन कोणताही निर्माता आपले कोट्यवधी रुपये वाया घालवू इच्छित नाही. मग ती स्टार्सची मुलं असली तरी…. चला तर, मग जाणून घेऊया अशा काही कलाकारांबद्दल ज्यांनी स्वत: कबुल केलेय की, एका स्टार किडमुळे त्यांना सुरुवातीच्या प्रोजेक्टमधून काढून टाकण्यात आले.
(2 / 6)
राजकुमार रावने सांगितले होते की, निर्मात्याला एका स्टार किडला माझ्या भूमिकेत घेण्यासाठी शिफारास करणारा फोन आला होता म्हणून मला रातोरात चित्रपटातून काढून टाकण्यात आले. 'श्रीकांत' फेम अभिनेत्याने सांगितले होते की, एका स्टार किडमुळे संधी मिळू न शकलेल्या त्याला खूप वाईट वाटत होते.
(3 / 6)
अमृता राव हिनेही स्वत:ला नेपोटिझमचा शिकार झाल्याचे म्हटले होते. अभिनेत्रीने एका मुलाखतीत सांगितले होते की, तिला एका चित्रपटात मुख्य अभिनेत्री म्हणून घेण्यात आले होते. परंतु, नंतर एके दिवशी तिला सांगण्यात आले की, ती या चित्रपटाचा भाग होऊ शकणार नाही.
(4 / 6)
रिचा चढ्ढाला शेवटच्या क्षणी एखाद्या सेलिब्रिटीची गर्लफ्रेंड किंवा स्टार किडमुळे चित्रपटातून हटवण्यात आलं होतं. अभिनेत्रीने सांगितले होते की, तिला खूप वाईट वाटले, कारण कठोर परिश्रमानंतरही तिला एका छोट्या कॉलमुळे काढून टाकण्यात आले होते.
(5 / 6)
अमिषा पटेल हिनेही आपण नेपोटिझमचे शिकार झाल्याचे म्हटले आहे. ईशा देओल आणि करीना कपूर खान सारख्या अभिनेत्रींनी तिच्या अनेक भूमिका हिसकावून घेतल्याचे अभिनेत्रीने उघडपणे सांगितले होते.
(6 / 6)
ईशा कोप्पीकरनेही नेपोटिझमला बळी पडल्याबद्दल सांगितले होते. अभिनेत्रीने सांगितले की, मुहूर्त शॉट घेतल्यानंतर तिला चित्रपटातून काढून टाकण्यात आले होते. एका विशिष्ट व्यक्तीच्या मुलीला भूमिका दिल्याने तिला काढून टाकण्यात आल्याचे अभिनेत्रीने सांगितले.
(7 / 6)
अभिनेत्री तापसी पन्नूने एकदा सांगितले होते की, अनेक चित्रपटांमधून वेगवेगळी कारणे देऊन शेवटच्या क्षणी तिला रिप्लेस करण्यात आले. पण तिला तिच्या प्रतिभेवर विश्वास होता, म्हणून ती जिद्दीने उभी राहिली. स्टारकिड्समुळे अनेक संधी गमावल्याचे अभिनेत्रीने सांगितले.
इतर गॅलरीज