Top 5 T20I players: T20 मधील टॉप ५ खेळाडू, ऑस्ट्रेलियन दिग्गजानं सांगितलं बुमराहचा नंबर कितवा?
- Mark Waugh selected top five T20I players: ऑस्ट्रेलियाचा माजी दिग्गज फलंदाज मार्क वॉ याने भारताचा वेगवान गोलंदाज जसप्रीत बुमराहचा जगातील टॉप ५ टी-20 खेळाडूंमध्ये समावेश केला आहे. यासह वॉने जगातील टॉप ५ टी-२० खेळाडूंमध्ये शाहीन आफ्रिदी आणि राशिद खान यांच्यासह ग्लेन मॅक्सवेल आणि जोस बटलर यांचादेखील समावेश केला आहे.
- Mark Waugh selected top five T20I players: ऑस्ट्रेलियाचा माजी दिग्गज फलंदाज मार्क वॉ याने भारताचा वेगवान गोलंदाज जसप्रीत बुमराहचा जगातील टॉप ५ टी-20 खेळाडूंमध्ये समावेश केला आहे. यासह वॉने जगातील टॉप ५ टी-२० खेळाडूंमध्ये शाहीन आफ्रिदी आणि राशिद खान यांच्यासह ग्लेन मॅक्सवेल आणि जोस बटलर यांचादेखील समावेश केला आहे.
(1 / 8)
T20 मधील टॉप ५ खेळाडूंच्या यादीत वॉने बुमराहला पहिला क्रमांक दिला आहे. मार्क वॉला असा विश्वास आहे की, T20 गोलंदाजी क्रमवारीत ४५ व्या क्रमांकावर असलेला जसप्रीत बुमराह पुढील महिन्यात ऑस्ट्रेलियात होणाऱ्या T20 विश्वचषक स्पर्धेत आपली क्षमता सिद्ध करेल.
(2 / 8)
बुमराह पाठीच्या दुखापतीमुळे व्हाईट बॉल क्रिकेटपासून काही काळ दूर होता. बुमराहचे कौतुक करताना वॉ म्हणाला, “तो सर्व फॉरमॅटसाठी एक उत्कृष्ट गोलंदाज आहे. त्याला टी-२० मध्ये विकेट घेण्याची कला अवगत आहे. डेथ ओव्हर्समध्ये तो उत्तम गोलंदाजी करू शकतो”.
(3 / 8)
मार्क वॉने पाकिस्तानचा डावखुरा वेगवान गोलंदाज शाहीन शाह आफ्रिदीलाही पहिल्या पाचमध्ये घेतले आहे. १९९९ च्या विश्वचषक विजेत्या संघाचा सदस्य असलेला वॉ म्हणाला, "दुसऱ्या एंडकडून गोलंदाजीची सुरुवात करण्यासाठी उघडण्यासाठी आणखी एका महान वेगवान गोलंदाजाची गरज आहे आणि तो म्हणजे शाहीन आफ्रिदी."
(4 / 8)
वॉ म्हणाला, "आफ्रिदी विकेट घेणारा गोलंदाज आहे. तो संघाचे मनोबल उंचावतो. त्याच्याकडे वेग आणि स्विंग दोन्ही आहेत. माझ्यासाठी बुमराहनंतर तो नंबर २ आहे."
(5 / 8)
वॉने निवडलेल्या इतर ३ खेळाडूंमध्ये अफगाणिस्तानचा रशीद खान (टी-20 गोलंदाजी क्रमवारीत चौथा क्रमांक), इंग्लंडचा कर्णधार जोस बटलर (टी-20 फलंदाजी क्रमवारीत १५वा) आणि ऑस्ट्रेलियाचा अष्टपैलू ग्लेन मॅक्सवेल (फलंदाजी क्रमवारीत २९ आणि अष्टपैलू खेळाडूंमध्ये ६ वा) यांचा समावेश आहे.
(6 / 8)
जोस बटलर हा आयपीएल २०२२ मध्ये सर्वाधिक धावा करणारा खेळाडू होता. वास्तविक, जोस बटलरकडे वेगवान गोलंदाजांव्यतिरिक्त फिरकीपटूंविरुद्ध सहजतेने मोठे फटके खेळण्याची क्षमता आहे. इंग्लंडचा हा फलंदाज अवघ्या काही षटकांत सामन्याचे फासे उलटवू शकतो.
(7 / 8)
ग्लेन मॅक्सवेल हा ऑस्ट्रेलियन टी-२० संघातील महत्त्वाचा दुवा आहे. मॅक्सवेलने आतापर्यंत ९० टी-20 आंतरराष्ट्रीय सामन्यांमध्ये ३०.५६ च्या सरासरीने २०२० धावा केल्या आहेत. ज्यात ३ शतके आणि ९ अर्धशतकांचा समावेश आहे. इतकेच नाही तर मॅक्सवेलच्या नावावर टी-20 आंतरराष्ट्रीय सामन्यांमध्ये ३६ विकेट्सही आहेत.
(8 / 8)
Mark Waugh's top five T20I players(all photos- instagram)
इतर गॅलरीज