IND vs SA : संजू सॅमसनने आफ्रिकेत पाडला विक्रमांचा पाऊस, एकाच सामन्यात केले हे ५ महाविक्रम
IND vs SA : संजू सॅमसनने आफ्रिकेत पाडला विक्रमांचा पाऊस, एकाच सामन्यात केले हे ५ महाविक्रम
Nov 09, 2024 05:20 PM IST
IND vs SA 1st T20, Sanju Samson : दक्षिण आफ्रिकेविरुद्धच्या पहिल्या टी-20 मध्ये संजू सॅमसनने केवळ ५० चेंडूत १०७ धावांची खेळी केली. त्याच्या बॅटमधून ७ चौकार आणि १० षटकार आले.
(1 / 7)
संजू सॅमसनच्या झंझावाती शतकाच्या जोरावर टीम इंडियाने पहिल्या T20 मध्ये दक्षिण आफ्रिकेचा ६१ धावांनी पराभव केला. चार T20 सामन्यांच्या मालिकेतील पहिल्या सामन्यात टीम इंडियाने प्रथम खेळून ८ विकेट गमावत २०२ धावा केल्या होत्या.
(2 / 7)
प्रत्युत्तरात यजमान दक्षिण आफ्रिकेचा संघ १४१ धावांत गारद झाला. भारताच्या विजयाचा हिरो ठरला यष्टिरक्षक फलंदाज संजू सॅमसन. सॅमसनने केवळ ५० चेंडूत १०७ धावांची खेळी करत ५ मोठे विक्रम केले.
(3 / 7)
१) दक्षिण आफ्रिकेविरुद्ध शतक झळकावणारा पहिला भारतीय यष्टीरक्षक -संजू सॅमसनने अवघ्या ५० चेंडूत १०७ धावांची खेळी केली. त्याच्या बॅटमधून ७ चौकार आणि १० षटकार आले. यासह सॅमसन दक्षिण आफ्रिकेविरुद्ध T20 मध्ये शतक झळकावणारा पहिला भारतीय यष्टीरक्षक ठरला आहे.
(4 / 7)
२) आंतरराष्ट्रीय T20 मध्ये आफ्रिकेविरुद्ध सर्वात जलद शतक- दक्षिण आफ्रिकेविरुद्धच्या पहिल्या T20 सामन्यात संजू सॅमसनने अवघ्या ४७ चेंडूत शतक झळकावले. यासह तो दक्षिण आफ्रिकेविरुद्ध T20 आंतरराष्ट्रीय सामन्यात सर्वात जलद शतक झळकावणारा भारतीय फलंदाज बनला आहे. सॅमसनने सूर्यकुमार यादवचा विक्रम मोडला आहे.(PTI)
(5 / 7)
३) T20 च्या एका डावात सर्वाधिक षटकार- संजू सॅमसनने आपल्या दमदार खेळीत एकूण १० षटकार ठोकले. यासह, तो T20 आंतरराष्ट्रीय सामन्यात संयुक्तपणे सर्वाधिक षटकार मारणारा भारतीय फलंदाज बनला आहे. याआधी भारताकडून फक्त रोहित शर्माने टी-20 सामन्यात १० षटकार मारले होते.(AFP)
(6 / 7)
४) टी-20 आंतरराष्ट्रीय सामन्यात सर्वाधिक धावा- सॅमसनच्या नावावर आणखी एक अनोखा विक्रम झाला आहे. सॅमसन आता भारत आणि दक्षिण आफ्रिका यांच्यातील टी-20 सामन्यात सर्वाधिक धावा करणारा फलंदाज बनला आहे. त्याने डेव्हिड मिलरचा विक्रम मोडला आहे.(PTI)
(7 / 7)
५) सलग दोन शतके करणारा पहिला भारतीय- दक्षिण आफ्रिकेविरुद्ध संजू सॅमसनने एक मोठा विक्रम आपल्या नावावर केला आहे. रोहित शर्मा आणि विराट कोहलीसारखे खेळाडूही हे करू शकले नाहीत. खरं तर, सॅमसन आता सलग दोन T20 आंतरराष्ट्रीय सामन्यांमध्ये शतके झळकावणारा पहिला भारतीय ठरला आहे.(BCCI - X)
इतर गॅलरीज