Fastest Charging Phones : या वर्षी लॉन्च झालेत सुपरफास्ट चार्ज होणारे ‘हे’ फोन !

Ashwjeet Rajendra Jagtap

Dec 29, 2024 04:59 PM IST

Fastest Charging Phones In 2024: फास्ट चार्जिंग असलेल्या पॉवरफुल फोनच्या शोधात असलेल्या ग्राहकांनी ही बातमी नक्की वाचा.

(1 / 3)

रियलमी जीटी ७ प्रो: रियलमीचा हा पॉवरफुल फोन 5800 एमएएच बॅटरीने सुसज्ज आहे, जो १२० वॅट फास्ट चार्जिंगला सपोर्ट करते. हा फोन ३० मिनिटांत ० ते १०० टक्के चार्ज होतो. या फोनमध्ये ग्राहकांना फुल एचडी+ रिझोल्यूशनसह ६.७८ इंचाचा एमोलेड डिस्प्ले देण्यात आला आहे. हा डिस्प्ले ६५०० निट्सच्या पीक ब्राइटनेस लेव्हलला सपोर्ट करतो. फोनमध्ये ५० मेगापिक्सलचा मुख्य कॅमेरा मिळत आहे. तर, १६ मेगापिक्सलचा सेल्फी कॅमेरा मिळतोय.प्रोसेसर म्हणून या फोनमध्ये स्नॅपड्रॅगन 8 एलिट चिपसेट पाहायला मिळेल.

(2 / 3)

विवो एक्स २०० प्रो 5G: विवोचा हा प्रीमियम फोन ६००० एमएएच बॅटरीसह येतो. ही बॅटरी ९० वॅट फास्ट चार्जिंगला सपोर्ट करते. फोनमध्ये ३० वॅटचे वायरलेस चार्जिंग फीचर देण्यात आले आहे. विवोच्या या फोनमध्ये ६.७८ इंचाचा आर्मर ग्लास एमोलेड डिस्प्ले देण्यात आला आहे. या डिस्प्लेचा रिफ्रेश रेट १२० हर्ट्झ आहे. प्रोसेसर म्हणून या फोनमध्ये तुम्हाला डायमेंसिटी ९४०० चिपसेट पाहायला मिळेल. फोनचा मुख्य कॅमेरा ५० मेगापिक्सलचा आहे. यामध्ये कंपनी २०० मेगापिक्सलचा टेलिफोटो लेन्सही देत आहे.

(3 / 3)

वनप्लस १२ आर: वनप्लसचा हा फोन ५ हजार ५०० एमएएच बॅटरी आणि १०० वॅट फास्ट चार्जिंगला सपोर्ट करतो. १६ जीबीपर्यंत रॅम असलेला हा फोन स्नॅपड्रॅगन ८ एलिट प्रोसेसरवर काम करतो. यामध्ये तुम्हाला १.५ के रिझोल्यूशनअसलेला सुपर ब्राइट प्रोक्सडीआर एलटीपीओ डिस्प्ले मिळेल. हा डिस्प्ले ४५०० निट्सच्या पीक ब्राइटनेस लेव्हलला सपोर्ट करतो. फोनचा मुख्य कॅमेरा ५० मेगापिक्सलचा आहे.

(4 / 3)

आयक्यूओओ १३: आयक्यूओमध्ये १२० वॅट फास्ट चार्जिंगसह ६००० एमएएच बॅटरी आहे. या फोनमध्ये ६.८२ इंचाचा २के एलटीपीओ एमोलेड डिस्प्ले मिळतो. हा फोन १६ जीबी पर्यंत रॅम आणि ५१२ जीबीपर्यंत इंटरनल स्टोरेज पर्यायात येतो. प्रोसेसर म्हणून या फोनमध्ये स्नॅपड्रॅगन ८ एलिट चिपसेट पाहायला मिळेल. फोटोग्राफीसाठी फोनच्या मागील बाजूस ५० मेगापिक्सेलचे तीन कॅमेरे देण्यात आले आहेत. फोनचा सेल्फी कॅमेरा ३२ मेगापिक्सलचा आहे.

इतर गॅलरीज