Srinagar Fire : श्रीनगरमधील शॉपिंग कॉम्प्लेक्समध्ये भीषण आग, अग्निशमन दलाच्या गाड्या घटनास्थळी दाखल

Fire Incident In Srinagar : श्रीनगर शहरातील एका शॉपिंग कॉम्प्लेक्सला भीषण आग लागल्याची घटना समोर आली आहे. स्वयंपाक घरात लागलेल्या आगीनं उग्र रुप धारण केल्यामुळं जवळपास आठ इमारतींचं नुकसान झालं आहे.

आगीच्या घटनेची माहिती मिळताच स्थानिकांसह अग्निशमन दलाच्या १६ गाड्या घटनास्थळी दाखल झाल्या आहे. आग आटोक्यात आणण्याचे प्रयत्न जारी आहेत.

शॉपिंग कॉम्प्लेक्समधील भीषण आगीत आतापर्यंत कोणतीही जीवीतहानी झाल्याची माहिती समोर आलेली नाही. दुर्घटनाग्रस्त इमारतातील नागरिकांना सुखरुप बाहेर काढण्यात प्रशासनाला यश आलं आहे.

श्रीनगरमधील काश्मीर विद्यापीठाच्या बाहेर हजरतबल भागात आगीची दुर्घटना घडल्याची माहिती समजताच नागरिकांनी मोठ्या संख्येने घटनास्थळाच्या दिशेनं धाव घेतली.

स्थानिक लोक आणि अग्निशमन दलाचे जवान आगीवर नियंत्रण मिळवण्यासाठी शर्तीचे प्रयत्न करत होते. त्यानंतर चार वाजेच्या सुमारास आगीवर नियंत्रण मिळवण्यात यश आलं असून परिसरात कूलिंगचं काम हाती घेण्यात आलं आहे.