Raksha Bandhan : रक्षाबंधनाला हे २ अशुभ काळ! भावाला राखी बांधण्यापूर्वी यादिवशी काय करावे, वाचा
Raksha Bandhan : रक्षाबंधनाला हे २ अशुभ काळ! भावाला राखी बांधण्यापूर्वी यादिवशी काय करावे, वाचा
Aug 18, 2024 03:03 PM IST
Raksha bandhan 2024 Good And Bad Time : यावेळी १९ ऑगस्ट रोजी रक्षाबंधन साजरा केला जाणार आहे. भद्रा ७ तास ३९ मिनिटे चालेल. जाणून घ्या राखी बांधण्याची योग्य वेळ.
(1 / 8)
यंदाच्या रक्षाबंधनाच्या सणात अनेक शुभ योगायोग घडत आहे. रक्षाबंधनाचा दिवस म्हणजे श्रावण पौर्णिमा होय. १९ ऑगस्ट रोजी रक्षाबंधनाचा सण साजरा केला जाणार आहे. रक्षाबंधनाच्या दिवशी भद्रा ७ तास ३९ मिनिटे राहील. वैदिक दिनदर्शिकेनुसार, श्रावण महिन्यातील शुक्ल पक्षातील पौर्णिमेला रक्षाबंधन साजरे केले जाते, रक्षाबंधनाच्या शुभ मुहूर्तावर भद्राची छाया टाळण्यासाठी विशेष काळजी घेतली जाते. राखी बांधण्यासाठी भद्रा व्यतिरिक्त इतर शुभ मुहूर्तांचा विचार करावा. भद्रा अशुभ असते, त्या काळात केलेल्या कामाचे चांगले फळ मिळत नाही, अशी धार्मिक धारणा आहे. जाणून घ्या राखी बांधण्याची योग्य वेळ कोणती आहे.
(2 / 8)
रक्षाबंधन २०२४ चा शुभ काळ: श्रावण पौर्णिमा तिथी १९ ऑगस्टला सोमवारी, पहाटे ३ वाजून ४ मिनिटांनी सुरू होत आहे. तर, श्रावण पौर्णिमा तिथीची समाप्ती १९ ऑगस्ट सोमवारी रात्री ११ वाजून ५५ मिनिटापर्यंत होईल. उदया तिथीनुसार, १९ ऑगस्ट रक्षाबंधन सण साजरा करण्यासाठी योग्य दिवस आहे.
(3 / 8)
रक्षाबंधनाला ७ तासांहून अधिक काळ भद्राची छाया : यावेळी रक्षाबंधनाला भद्राची सावली असेल. भद्रा सकाळी ५ वाजून ५३ मिनिटे ते दुपारी १ वाजून ३२ मिनिटापर्यंत असेल. ही भद्रा पाताळात वास करते. काही लोक म्हणतात की भद्रा काळात भद्राचा शेवट म्हणजेच ज्याला भद्रा पुच्छ म्हणतात त्याकडे दुर्लक्ष करता येईल.
(4 / 8)
हिंदू धर्मात कोणतेही काम करण्यापूर्वी शुभ दिवस, शुभ तिथी, शुभ वेळ पाहिली जाते. भद्रा काळ जेव्हा सुरू होतो तिथुन अशुभ काळ सुरू होतो.भद्रा ही शनिदेवाची सख्खी बहीण आहे. हिंदू धर्मात भद्रकाळात कोणतेही शुभ कार्य करू नये अशी धारणा आहे. या काळात कोणतेही शुभ कार्य केल्यास अशुभ परिणाम मिळतात.
(5 / 8)
राखी बांधण्याची योग्य वेळ: रक्षाबंधनाच्या दिवशी, १९ ऑगस्टला राखी बांधण्याची योग्य वेळ दुपारी आहे. त्या दिवशी, बहिणी आपल्या भावांना दुपारी १ वाजून ३२ मिनिटे ते रात्री ९ वाजून ८ मिनिटापर्यंत राखी बांधू शकतात.
(6 / 8)
या २ वेळेस राखी बांधण्यास मनाई: धार्मिक शास्त्रानुसार राखीबंधनाच्या दिवशी राखी बांधताना या २ वेळेस पूर्णपणे दुर्लक्ष केले पाहिजे. पहिला भद्राकाळ आणि दुसरा राहुकाळ. या दोन काळात राखी बांधू नये. हे दोन्ही काळ अशुभ आहेत. रक्षाबंधनाच्या दिवशी राहुकाल सकाळी ७ वाजून ३१ मिनिटे ते ९ वाजून ८ मिनिटापर्यंत आहे.
(7 / 8)
यादिवशी काय करावेया वर्षी रक्षाबंधन, श्रावण पौर्णिमा, नारळी पौर्णिमा आणि श्रावण सोमवार हा उपवास एकत्र आला आहे, हा स्नान आणि दान करण्याचा दिवस आहे. याच दिवशी तीसरा श्रावण सोमवार असल्याने भगवान भोलेनाथाची पूजा करा.
(8 / 8)
दुसरीकडे, श्रावण पौर्णिमेला पवित्र नदीत स्नान केल्यानंतर दान केल्यास पुण्य फळ प्राप्त होते. कुटुंबात सुख, शांती आणि समृद्धी नांदते.
इतर गॅलरीज