Bollywood Actor : पहिल्याच चित्रपटातून अभिनेता बनला स्टार, नंतर दिले फ्लॉप! आता ज्यूसची कंपनी चालवून कमावतोय कोट्यवधी

बॉलिवूड इंडस्ट्रीत अनेक कलाकार सुपरस्टार तर काही फ्लॉप ठरतात. असे अनेक अभिनेते आहेत जे कधीकधी यश मिळवतात, परंतु नंतर त्यांना अपयशालाही सामोरे जावे लागते. आता आज आम्ही अशा एका अभिनेत्याबद्दल सांगणार आहोत ज्याने आपल्या करिअरमध्ये ३ हिट चित्रपट दिले आणि त्यानंतर फ्लॉप चित्रपटांचे दुःख सहन केले.

डिनो मोरियाने 'प्यार में कभी कभी' या चित्रपटाद्वारे बॉलिवूडमध्ये पदार्पण केले. यानंतर तो बिपाशा बसूची मुख्य भूमिका असलेल्या 'राझ' या चित्रपटात दिसला आणि तो खूप हिट झाला. या चित्रपटाने तो सुपरस्टार झाला.

यानंतर त्याचे 'गुनाह', 'बाज', 'श्श', 'इश्क है तुमसे', 'प्लान', 'इन्साफ', 'रक्त' आणि 'चेहरा' हे चित्रपट बॉक्स ऑफिसवर फ्लॉप झाले. यानंतर त्याने 'अक्सर' हा हिट चित्रपट दिला.

इतकेच नाही, तर बॉक्स ऑफिस इंडियाच्या रिपोर्टनुसार, अभिनेत्याने २००२-२०१० दरम्यान त्याने २० फ्लॉप चित्रपट दिले.

२०१२ पासून डिनोने पुन्हा अभिनयातून ब्रेक घेतला आणि त्यानंतर २०१२मध्ये डिनोने एमएस धोनीसोबत कूल मॉल नावाची कंपनी सुरू केली. यानंतर त्यांनी स्वतःचे प्रोडक्शन हाऊसही उघडले.

यानंतर डिनोने मिथिल लोढा आणि राहुल जैन यांच्यासोबत कोल्ड-प्रेस्ड ज्यूस ब्रँड लॉन्च केला.

२०१७ मध्ये, अभिनेत्याने साऊथ चित्रपटाद्वारे पुन्हा अभिनयात पुनरागमन केले. पण, चित्रपट चालला नाही. एवढेच नाही, तर २०२० मध्ये त्याने ओटीटीवर पदार्पण केले.

सध्या डिनो खूप चांगला व्यवसाय करत असून, करोडोंची कमाई करतो. आता दीर्घ ब्रेकनंतर डिनो 'हाऊसफुल ५' या हिंदी चित्रपटात दिसणार आहे.