DC vs SRH : ट्रॅव्हिस हेड-अभिषेक शर्माचा दिल्लीत धुमाकूळ, टी-20 क्रिकेटचं अख्खं रेकॉर्ड बुक उद्ध्वस्त, पाहा
DC vs SRH : ट्रॅव्हिस हेड-अभिषेक शर्माचा दिल्लीत धुमाकूळ, टी-20 क्रिकेटचं अख्खं रेकॉर्ड बुक उद्ध्वस्त, पाहा
Apr 21, 2024 11:35 AM IST
- DC vs SR, Indian Premier League 2024: आयपीएल २०२४ मध्ये शनिवारी (२० एप्रिल) दिल्ली आणि हैदराबाद यांच्यात सामना झाला. या सामन्यात सनरायझर्स हैदराबादने टी-20 क्रिकेटच्या इतिहासातील पॉवरप्लेमध्ये सर्वाधिक धावा करण्यापासून ते वेगवान १५० धावा करण्यापर्यंत अनेक विक्रम प्रस्थापित केले आहेत.
(1 / 7)
आयपीएल २०२४ च्या ३५ व्या सामन्यात ट्रॅव्हिस हेड आणि अभिषेक शर्मा यांनी जोरदार फटकेबाजी केली. दिल्ली कॅपिटल्सच्या गोलंदाजांची धुलाई करताना हेडने केवळ ३२ चेंडूत ८९ धावांची स्फोटक खेळी खेळली. तर अभिषेकने १२ चेंडूत ८ चौकार लगावत ४६ धावा केल्या. हैदराबादने पॉवरप्लेमध्ये आयपीएलच्या इतिहासातील सर्वात मोठी धावसंख्या केली आहे.
(2 / 7)
दिल्लीच्या अरुण जेटली क्रिकेट स्टेडियमवर झालेल्या या सामन्यात हैदराबादने प्रथम फलंदाजी करताना २६६ धावा ठोकल्या. प्रत्युत्तरात दिल्लीचा संघ १९९ धावांवर सर्वबाद झाला.
(3 / 7)
सनरायझर्स हैदराबादचे सलामीवीर ट्रॅव्हिस हेड आणि अभिषेक शर्मा यांनी धडाकेबाज फलंदाजी केली. दोघांनी पहिल्या ६ षटकांत धावफलकावर १२५ धावा लावल्या. हेड आणि अभिषेकने आपल्या स्फोटक फलंदाजीने आयपीएलचे रेकॉर्ड बुक उद्ध्वस्त केले आहे.
(4 / 7)
पॉवरप्लेमध्ये सर्वोच्च स्कोअर - ट्रेविड हेड आणि अभिषेक शर्मा या जोडीने आयपीएलचा इतिहास बदलून टाकला आहे. ६ षटकांत सनरायझर्स हैदराबादच्या सलामीच्या जोडीने १२५ धावा करत इतिहास रचला आहे. पॉवरप्लेमध्ये सर्वाधिक धावा करण्याचा विक्रम आता SRH च्या नावावर आहे. हैदराबादने केकेआरचा विक्रम मोडीत काढला आहे.
(5 / 7)
सर्वात वेगवान टीम शतक- हेड आणि अभिषेकने अवघ्या ५ षटकांत सनरायझर्स हैदराबादला १०० धावांच्या पुढे नेले. अभिषेकने कुलदीप यादवच्या चेंडूवर षटकार ठोकत संघाचे शतक पूर्ण केले. आयपीएलच्या इतिहासात सर्वात जलद शतक झळकावण्याचा विक्रम आता हैदराबादच्या नावावर आहे.
(6 / 7)
१० षटकांत सर्वोच्च धावसंख्या- सनरायझर्स हैदराबादने १० षटकांचा खेळ संपल्यानंतर आयपीएलच्या इतिहासात सर्वाधिक धावा करण्याचा विक्रमही केला आहे. हैदराबादने १० षटकांत १५८ धावा फलकावर लावल्या होत्या. SRHने मुंबई इंडियन्सविरुद्धचा स्वतःचाच विक्रम मोडीत काढला आहे. त्या सामन्यात हैदराबादने दहा षटकांत १४८ धावा केल्या होत्या.
(7 / 7)
हेड-अभिषेकचा दिल्लीत धुमाकूळ - ट्रॅव्हिस हेडने तुफानी फलंदाजी करताना अवघ्या १६ चेंडूत आपले अर्धशतक पूर्ण केले. हेडने ३२ चेंडूत ८९ धावांची स्फोटक खेळी खेळली. हेडने आपल्या खेळीत ११ चौकार आणि ६ षटकार मारले. त्याचवेळी अभिषेक शर्माने अवघ्या १२ चेंडूत ४६ धावा केल्या. अभिषेकच्या बॅटमधून २ चौकार आणि ६ गगनचुंबी षटकार आले.
इतर गॅलरीज