David Warner : डेव्हिड वॉर्नरच्या फेअरवेलचे हे फोटो बघितले का? पाहा

डेव्हिड वॉर्नरने आपल्या कारकिर्दीतील शेवटची कसोटी पाकिस्तानविरुद्ध सिडनीच्या सिडनी क्रिकेट मैदानावर खेळली. कारकिर्दीतील शेवटच्या कसोटीच्या दोन्ही डावांत वॉर्नरने अनुक्रमे ३४ आणि ५७ धावा केल्या.

करिअरच्या शेवटच्या कसोटीनंतर वॉर्नरने आपल्या कुटुंबाबद्दल अतिशय भावनिक वक्तव्य केले. ऑस्ट्रेलियन वॉर्नरने त्याचा भाऊ आणि त्याच्या पत्नीला आपल्या यशाचे श्रेय दिले.

 सिडनी क्रिकेट ग्राऊंडवर वॉर्नरला चाहत्यांकडून भव्य निरोप मिळाला. यादरम्यान त्याची पत्नी कँडिसही मैदानावर उपस्थित होती.

शेवटच्या कसोटीनंतर वॉर्नर म्हणाला, "कुटुंब हा जीवनाचा महत्त्वाचा भाग आहे. तुम्ही त्यांच्याशिवाय काहीच करू शकत नाही. माझ्या उत्कृष्ट संगोपनाचे श्रेय मी माझ्या पालकांना देतो."

ऑस्ट्रेलियन फलंदाज आपल्या भावाबद्दल म्हणाला, "माझ्या यशाचे श्रेय माझ्या भावालाही जाते, त्याच्या पावलावर पाऊल ठेवूनच मी पुढे आलो."

वॉर्नर पुढे म्हणाला, "आता मी जास्त काही सांगू शकणार नाही कारण मी भावूक होत आहे. धन्यवाद कँडिस. माझ्यासाठी तूच माझे जग आहेस."