Cyclone Remal : आयएमडीची महत्वाची अपडेट! चक्रीवादळ रेमलची तीव्रता होणार कमी

Ninad Vijayrao Deshmukh

May 27, 2024 07:26 AM IST

Cyclone Remal Update: चक्रीवादळ रेमलबाबत हवामान खात्याने महत्वाची अपडेट दिली आहे. सोमवारपर्यंत पश्चिम बंगाल आणि उत्तर ओडिशाच्या किनारपट्टीच्या भागात मुसळधार पावसाचा इशारा देण्यात आला आहे. याशिवाय आसाम आणि मेघालयमध्येही अतिवृष्टी होण्याची शक्यता आहे.

तुमच्या शहरातील हवामान जाणून घेण्यासाठी येथे क्लिक करा

(1 / 4)

चक्रीवादळ रेमलची तीव्रता कमी होत आहे. भारतीय हवामानशास्त्र विभागाच्या म्हणण्यानुसार, सकाळी या वादळाची तीव्रता वाढणार आहे. त्यानंतर हे वादळ अधिक शक्ती होईल तर सकाळी ११.३० नंतर या वादळाची तीव्रता कमी होईल. हे वादळ रविवारी रात्री बांगलादेश आणि पश्चिम बंगालच्या किनारपट्टीला धडकले. या वादळामुळे मोठ्या प्रमाणात नुकसान झाल्याचे वृत्त आहे. पश्चिम बंगाल आणि ओडिशासह अनेक राज्यांवर या वादळाचा परिणाम होण्याची शक्यता वर्तवली जात आहे.

(2 / 4)

हवामान विभागाच्या माहितीनुसार बंगालच्या उपसागरावरील रेमल चक्रीवादळ गेल्या ६ तासांत ताशी १३ किमी वेगाने उत्तरेकडे सरकले आहे. हवामान खात्याने माहिती दिली की, 'सिस्टम आणखी काही काळ उत्तरेकडे सरकत राहील आणि नंतर उत्तर-ईशान्य दिशेने या वादळाची दिशा होईल. तर २७ मेच्या सकाळपर्यंत चक्रीवादळ कमकुवत होईल. रेमलची शक्ती हळूहळू कमी झाली तरी, पश्चिम बंगालला याचा फटका बसणार आहे. दक्षिण बंगालमधील मुर्शिदाबाद आणि नादिया या दोन जिल्ह्यांमध्ये आज रेड अलर्ट जारी करण्यात आला आहे. त्या दोन जिल्ह्यांमध्ये अनेक ठिकाणी मुसळधार ते अतिवृष्टी होईल. काही ठिकाणी मुसळधार पाऊस पडू शकतो. या दोन जिल्ह्यांमध्ये ताशी ६० ते ७० किमी वेगाने वादळाचा जोर कायम राहणार आहे.

(3 / 4)

रविवारच्या विध्वंसानंतर उत्तर २४ परगणा आणि दक्षिण २४ परगणा येथे वादळ आणि पावसाची तीव्रता किंचित कमी होईल. बीरभूम, पूर्व बर्दवान, हुगळी, कोलकाता आणि हावडा येथे मुसळधार पाऊस पडेल. या सात जिल्ह्यांमध्ये ऑरेंज अलर्ट जारी करण्यात आला आहे. जिल्ह्यात ताशी ५० ते ६० किमी वेगाने वारे वाहतील. ताशी ७० किमी वेगाने वारे वाहू शकतात. (फोटो सौजन्य एएनआय)

(4 / 4)

हवामान खात्याने पश्चिम बंगाल आणि ओडिशा वगळता ईशान्येकडील जवळजवळ सर्व राज्यांमध्ये जोरदार वाऱ्यासह मुसळधार पाऊस आणि भूस्खलनाचा इशारा दिला आहे. या राज्यांमध्ये वादळाचा प्रभाव पुढील दोन दिवस टिकू शकतो. पंतप्रधान नरेंद्र मोदी यांच्या अध्यक्षतेखाली रविवारी तयारीचा आढावा घेण्यासाठी आणि रेमलशी व्यवहार करण्यासाठी बैठक झाली. यावेळी त्यांनी अधिकाऱ्यांना वेळीच खबरदारीच्या सर्व उपाययोजना करण्याच्या सूचना दिल्या. तर दक्षिण बंगालमधील उर्वरित सहा जिल्ह्यांमध्ये आज यलो अलर्ट जारी करण्यात आला आहे. पुरुलिया, पूर्व मिदनापूर, पश्चिम मिदनापूर, झारग्राम, पश्चिम बर्दवान आणि बांकुराच्या काही भागात मुसळधार पाऊस पडेल. त्या जिल्ह्यांमध्येही सोसाट्याचा वारा वाहणार आहे.

(5 / 4)

रेमल जेव्हा किनाऱ्यावर धडकेल तेव्हा त्याचा वेग हा ताशी ११० ते १२० किलोमीटर वेग राहील. हे वादळ पश्चिम बंगाल आणि बांगलादेशच्या किनारपट्टीवर पोहोचल्यावर उंचावरील वादळाच्या लाटांमुळे सखल भागात पूर आला. वादळाची तीव्रता लक्षात घेता, बंगाल हवामानशास्त्र कार्यालयाने रविवारीच मच्छिमारांना सोमवार सकाळपर्यंत उत्तर बंगालच्या उपसागरात जाऊ नये असा सल्ला दिला आहे. पूर्व आणि दक्षिण पूर्व रेल्वेने पश्चिम बंगालच्या दक्षिण आणि उत्तर २४ परगणा आणि पूर्व मेदिनीपूर जिल्ह्यात गाड्या चालवण्यास बंदी घातली आहे. लांब पल्ल्याच्या गाड्या वळवण्यात आल्या आहेत. कोलकाता विमानतळ प्राधिकरणाने रविवारी दुपारपासून २१ तासांसाठी विमानांचे उड्डाण रद्द केले आहे. त्यामुळे सकाळी साडेनऊ वाजेपर्यंत ३९४ देशांतर्गत आणि आंतरराष्ट्रीय उड्डाणे प्रभावित होणार आहेत. शास्त्रज्ञांचे म्हणणे आहे की समुद्राच्या पृष्ठभागाच्या उष्ण तापमानामुळे चक्रीवादळे अधिक तीव्र होत आहेत आणि त्यांची तीव्रता ही दीर्घकाळ टिकून राहत आहे. हवामान खात्याचे वरिष्ठ शास्त्रज्ञ डीएस पै यांच्या मते, समुद्राच्या पृष्ठभागाचे तापमान वाढणे म्हणजे अधिक आर्द्रता. चक्रीवादळांच्या तीव्रतेसाठी हे अनुकूल आहे. या मान्सूनपूर्वी बंगालच्या उपसागरात धडकणारे रेमल हे पहिले चक्रीवादळ आहे.

इतर गॅलरीज