Christmas Celebration : मेरी ख्रिसमस... देशभरात नाताळचा उत्साह, चर्चमध्ये आकर्षक रोषणाई

नववर्षांचे स्वागत करण्यासाठी संपूर्ण जग सज्ज झाले आहे. त्यासोबत आज बुधवारपासून नाताळचा उत्साह सुरू होत आहे. नाताळचा उत्साह आणि नववर्षांचे स्वागत करण्यासाठी देशभरात उत्साहाचे वातावरण असून, झगमगाट, रोषणाई असा माहोल सध्या राज्यसह देशभरात दिसून येत आहे.

चेन्नईत सांताक्लॉजचा पोशाख परिधान केलेला एक व्यक्ती मुलांना चॉकलेट देत असतांना. . यंदाही दरवर्षीप्रमाणे ख्रिसमसचा सण जगभरात मोठ्या थाटामाटात साजरा केला जात आहे. 

हा सण साजरा करण्यासाठी चर्चच्या बाहेर ख्रिसमस ट्री व विद्युत रोषणाई करून विविध  देखावे प्रदर्शित करण्यात आले आहे.  

चेन्नईत ख्रिसमससेलिब्रेशनचा एक भाग म्हणून सांताक्लॉजच्या वेशभूषेत एका डायव्हरने व्हीजीपी मरीन किंग्डममध्ये येणाऱ्या जाणाऱ्यांना ख्रिसमसच्या शुभेच्छा दिल्या.  

दिल्लीच्या सेक्रेड हार्ट्स कॅथेड्रलमध्ये लोक प्रार्थना करताना आणि मेणबत्त्या पेटवताना नागरिक. 

ख्रिसमसच्या पूर्वसंध्येला चर्चमध्ये मेणबत्ती पेटवून प्रार्थना करतांना एक तरुणी. रात्रीपासून ख्रिस्ती बांधव चर्चमध्ये सामुदाईक प्रार्थनेसाठी जमले होते. 

मुंबईतील वांद्रे येथील कार्टर रोडवर ख्रिसमसच्या सेलिब्रेशनसाठी जमलेली तरुणाई. या ठिकाणी ख्रिसमस ट्रीसह आकर्षक विद्युत रोषणाई देखील करण्यात आली होती.  

प्रयागराजमधील सेंट जोसेफ चर्चमध्ये ख्रिसमसनिमित्त करण्यात आलेली बहुरंगी विद्युत रोषणाई, या ठिकाणी आज सकाळपासून प्रार्थना करण्यासाठी नागरिकांनी रांगा लावल्या होत्या.  

बेंगळुरू येथील विद्युत रोशनाईत  उजळून निघालेल्या सेंट मेरी बॅसिलिका चर्चसोबत सेल्फी घेण्यात मग्न असतांना एक कुटुंब. 

तिरुवनंतपुरममधील ख्रिसमसच्या पूर्वसंध्येला वेट्टूकड चर्चला लोकांनी भेट दिली व या ठिकाणी प्रार्थना केली.