Chile wildfires : चिलीतील घनदाट जंगलात भीषण आग; तब्बल २४ जणांचा मृत्यू

Ninad Vijayrao Deshmukh

Feb 13, 2023 07:01 AM IST

Chile wildfires beginning to ease : चिली येथील घनदाट जंगलाला भीषण आग लागली आहे. या आगीत आतापर्यन्त २४ जणांचा मृत्यू झाला आहे. या ठिकाणी ३१२ ठिकाणी भीषण आग लागी असून त्यावर नियंत्रण मिळवण्याचे काम सुरू आहे.

(1 / 11)

चिलीच्या जंगलात लागलेल्या आगीमुळे तब्बल २४ नागरिकांचा मृत्यू झाला आहे, तर २,००० हून अधिक नागरिक हे जखमी झाले आहेत. या आगीमुळे बायोबिओ, ला अरौकानिया, न्युबल आणि मौले या प्रदेशातील तब्बल ४,४०,००० हेक्टरवरील (१.१ दशलक्ष एकर) वनसंपत्ती ही आगीत जळून खाक झाली आहे. (AP)

(2 / 11)

३ फेब्रुवारीपासून, चिलीच्या जंगलात लागलेल्या आगीत मौले, नुबल, बायोबियो आणि ला अरौकेनिया या प्रदेशात किमान २४ लोकांचा मृत्यू झाला आहे, तर २६७४ लोक जखमी झाले आहेत.(AFP)

(3 / 11)

दक्षिण-मध्य चिलीमध्ये जंगलात लागलेल्या भीषण वनव्याला एका आठवड्यापेक्षा जास्त दिवस उलटून गेले आहे. तरी सुद्धा आगीवर पूर्णपणे नियंत्रण मिळवण्यात यश आलेले नाही. बायोबियो, न्युबल आणि ला अरौकेनिया हा परिसर सर्वाधिक प्रभावित झाला आहे. प्रशासनाने या परिसरात मध्यरात्री कर्फ्यू घोषित करण्यात आला, असे बायोबिओ लष्करी प्रमुख जॉर्ज केटेल यांनी १० फेब्रुवारी रोजी सांगितले.(AFP)

(4 / 11)

जंगलात करण्यात आलेल्या पाहणीत ३१२ ठिकाणी आग अजूनही सक्रिय असल्याचे दिसत आहे. यातिल ९८ ठिकाणी आगीवर नियंत्रण मिळवण्यात आले यश आले आहे. (REUTERS)

(5 / 11)

अग्निशामक विमान चिलीच्या निन्ह्यू भागात जंगलातील आगीवर पाणी सोडत आहे.(AFP)

(6 / 11)

१,१०० हून अधिक घरे या आगीत नष्ट झाली आहेत. अधिकृत अहवालानुसार ५.५०० हून अधिक नागरिक हे बेघर झाले आहेत. (AFP)

(7 / 11)

चिलीच्या हवामान संचालनालयाने ९ फेब्रुवारी रोजी जाहीर केले की मध्य विभागातील तापमान २७ ते २९ अंश सेल्सिअस (८१ ते ८४ फॅरेनहाइट) पर्यंत खाली येण्याची शक्यता आहे. (AFP)

(8 / 11)

मंगळवारी, ८० नवीन अग्निशामक दल फ्रान्समधून येणार असून अर्जेंटिना, स्पेन, मेक्सिको आणि युनायटेड स्टेट्ससह ११ देशांतील पथके देखील आगीवर नियंत्रण मिळवण्यासाठी चिलीमध्ये येणार आहेत. (REUTERS)

(9 / 11)

चिलीमध्ये सध्या तब्बल १३ वर्षांपासून दुष्काळी परिस्थिती आहे. (REUTERS)

(10 / 11)

१० टँकर DC-10 फायर प्लेन विमानांनी चिलीमधील क्विरीह्यू, न्युबल प्रदेशातील जंगलातील आगीवर पाणी टाकून आग नियंत्रणात आणण्याचा प्रयत्न केला जात आहे. (AFP)

(11 / 11)

अग्निशामक चिलीच्या निन्ह्यू येथे वणव्याची आग विझवण्याचा प्रयत्न करत आहेत.(REUTERS)

इतर गॅलरीज