मुख्यमंत्री शिंदेंकडून कुटुंबियांसह ठाण्यात धुळवड साजरी; कार्यकर्त्यांनीही एकमेकांवर उधळला रंग

eknath shinde celebrated rangpanchami : मुख्यमंत्री एकनाथ शिंदे यांनी ठाण्यातील निवासस्थानी कुटुंबियांसह मोठ्या जल्लोषात धुलिवंदन साजरं केलं आहे. याशिवाय शिंदे गटाच्या अनेक नेत्यांसह कार्यकर्त्यांनी ठाण्यात गर्दी केली होती.

मुख्यमंत्री एकनाथ शिंदे यांनी आपल्या समर्थकांवर पिचकारीने रंग उधळला आहे. यावेळी कार्यकर्त्यांनीही एकमेकांवर रंगाची उधळण केली आहे.

मुख्यमंत्री एकनाथ शिंदे आणि त्यांचे चिरंजीव खासदार श्रीकांत शिंदे यांच्यासह शिंदे गटाचे अनेक नेत्यांनीही धुलिवंदन साजरं केलं आहे.

यावेळी राज्यभरातील शिंदे गटाच्या कार्यकर्त्यांनी मुख्यमंत्र्यांच्या ठाण्यातील निवासस्थानी मोठी गर्दी केली होती.

कोरोना महामारीनंतर दोन वर्षांनी राज्यात धुळवड साजरी करण्यात येत असून राज्यात सत्तांतर झाल्यापासून सर्वच सण मोठ्या उत्साहात साजरे करण्यात येत असल्याची प्रतिक्रिया मुख्यमंत्री एकनाथ शिंदे यांनी दिली आहे.