Cherry Benefits: छोटीशी लाल चेरी आहे गुणांचा खजिना, रोज खाल्ल्यास मिळतील ‘हे’ आश्चर्यकारक फायदे!

इतर अनेक फळांप्रमाणेच चेरी देखील आरोग्यासाठी खूप फायदेशीर आहे. यामध्ये कमी कॅलरीज आणि फॅट असतात. यामध्ये व्हिटॅमिन सी, पोटॅशियम आणि फायबर यांसारख्या जीवनसत्त्वे आणि खनिजे भरपूर प्रमाणात असतात. एकूण आरोग्याच्या दृष्टीने हे फळ अतिशय फायदेशीर आहे. जाणून घ्या आरोग्यासाठी त्याचे काही जबरदस्त फायदे…

चेरी हे व्हिटॅमिन सी, पोटॅशियम आणि फायबरसारख्या पोषक तत्वांचा उत्तम स्रोत आहे. रोगप्रतिकारक शक्तीसाठी व्हिटॅमिन सी खूप महत्वाचे आहे. चेरी रक्तदाब पातळी संतुलित राखण्यास मदत करतात.

चेरीमध्ये चांगल्या प्रमाणात फायबर असते, जे पचनसंस्थेला निरोगी ठेवण्यासाठी आवश्यक असते. चेरी बद्धकोष्ठता कमी करण्यास आणि नियमित मलविसर्जनास प्रोत्साहन देण्यास मदत करतात. तसेच, आतडे निरोगी ठेवण्यास मदत होते.

चेरी वजन व्यवस्थापनासाठी देखील उत्तम आहेत. कारण त्यामध्ये भरपूर पोषक घटक असतात. यामध्ये कॅलरीज कमी असतात. त्याचा नैसर्गिक गोडवा गोड खाण्याची लालसा देखील कमी करू शकतो.

चेरीमध्ये अँटिऑक्सिडंट असतात, जे मेंदूच्या पेशींना ऑक्सिडेटिव्ह तणावापासून संरक्षण करण्यास मदत करतात आणि अल्झायमरसारख्या वयाशी संबंधित न्यूरोडीजनरेटिव्ह रोगांचा धोका कमी करतात.

चेरीमध्ये मेलाटोनिन हा हार्मोन असतो जो झोपेचे नियमन करतो. चेरी खाल्ल्यास झोपेची गुणवत्ता सुधारण्यास आणि निद्रानाश सारख्या झोपेच्या विकारांवर नियंत्रण ठेवण्यास मदत होते.

व्यायामानंतर चेरी खाल्ल्याने स्नायू दुखणे आणि सूज कमी होण्यास मदत होते. तसेच, स्नायूंची रिकव्हरी वेगवान गतीने होण्यास मदत होते.