Navratri 9 Colours: नवरात्रीच्या ९ दिवसात घाला हे रंग, मिळेल देवीचा आशीर्वाद

१५ ऑक्टोबरपासून शारदीय नवरात्रीला सुरुवात झाली आहे. यासोबतच महोत्सवांची मालिकाही सुरू राहणार आहे. शारदीय नवरात्रीच्या काळात लोक माता राणीच्या पूजेसह गरबा, दांडिया, दुर्गापूजा करतात आणि यासाठी ते सुंदर तयार होतात. देवीची उपासना आणि त्यांना प्रसत्न करण्यासोबतच फॅशन आणि स्टाइलही करू शकता. 

पहिला दिवस - नवरात्रीचा पहिला दिवस माता शैलपुत्रीचा आहे. या दिवशी शैलपुत्रीची पूजा केली जाते आणि तिला गुलाबी रंग आवडतो. त्यामुळे पूजा करताना स्टायलिश दिसायचे असेल तर गुलाबी रंगाचा ड्रेस घालून तयार होऊ शकता.

दुसरा दिवस - नवरात्रीच्या दुसऱ्या दिवशी ब्रह्मचारिणी मातेची पूजा केली जाते, ज्यांना पांढरा रंग आवडतो. मातेच्या पूजेसाठी बहुतेक लोकांना पांढऱ्या रंगाचे कपडे घालणे आवडते.

तिसरा दिवस - नवरात्रीचा तिसरा दिवस चंद्रघंटा देवीला समर्पित केला जातो आणि तिची पूजा केली जाते. देवीला प्रसन्न करण्यासाठी लोक लाल रंगाचा वापर करतात. माता राणीला लाल रंगाची फुले तसेच लाल रंगाचे कपडे आवडतात.

चौथा दिवस - चौथ्या दिवशी कुष्मांडा मातेची पूजा केली जाते. ज्यांना केशरी रंग आवडतो. त्यामुळे देवीचा विशेष आशीर्वाद मिळवण्यासाठी तुम्ही केशरी रंगाचे कपडे घालू शकता.
 

पाचवा दिवस - पाचव्या दिवशी स्कंदमातेची पूजा केली जाते. ज्यांना पिवळा रंग आवडतो. माता राणीला प्रसन्न करायचे असेल तर पिवळे कपडे घालण्याबरोबरच पिवळे फुले अर्पण करू शकता.

सहावा दिवस - कात्यायनी मातेला डार्क लाल म्हणजेच मरून रंग आवडतो. जे प्रबळ इच्छाशक्ती दर्शवते. 

सातवा दिवस - कालरात्री मातेला निळा रंग आवडतो. मातेला निळी फुले अर्पण करून निळे वस्त्र परिधान केल्याने शत्रूपासून मुक्ती मिळते.

आठवा दिवस - नवरात्रीच्या आठव्या दिवशी महागौरीची पूजा केली जाते. या दिवशी हिरव्या रंगाचे कपडे परिधान केल्याने देवी प्रसन्न होते आणि आशीर्वाद देते.
 

नववा दिवस - नवरात्रीचा नववा दिवस म्हणजे सिद्धिदात्रीचा असतो. सर्व इच्छा पूर्ण करणारी देवी सिद्धिदात्री यांना बीज किंवा जांभळा रंग आवडतो. या दिवशी अशा रंगाचे कपडे परिधान केल्याने देवी माता प्रसन्न होऊ शकतात.