चैत्र नवरात्रीत देवी कशावर विराजमान होऊन येईल? जाणून घ्या चैत्र नवरात्र व रामनवमीचा शुभ मुहूर्त

देशाच्या अनेक भागांमध्ये शास्त्रानुसार चैत्र महिन्यात देवीची पूजा केली जाते. या चैत्र नवरात्रीत जसं उत्सवाचं वातावरण असतं, तसंच रामनवमीच्या सणालाही जल्लोषाचं वातावरण असतं. राम नवमी २०२४ कधी आहे? तसेच, चैत्र नवरात्रीची शुभ तारीख कधी आहे ते जाणून घ्या.

चैत्र नवरात्री- 

नवरात्रीच्या ९ दिवसांत नवदुर्गेची पूजा केली जाते. नवरात्रीच्या ९ दिवसांत आद्यशक्ती दुर्गेच्या नऊ रुपाची पूजा केली जाते. चैत्रमासाच्या शुक्ल पक्षाच्या प्रतिपदेला ही तिथी सुरू होते. चैत्र नवरात्री शुक्लपक्ष २०२४ ची प्रतिपदा तिथी ८ एप्रिल रोजी रात्री ११:५५ वाजता सुरू होईल. प्रतिपदा तिथी ४३ मिनिटांनी संपते. नवरात्रीची नऊ दिवसांची पूजा १७ एप्रिलला संमाप्त होईल.

रामनवमी कधी आहे - 

१७ एप्रिलला रामनवमी येत आहे. शास्त्रानुसार चैत्र महिन्याच्या शुक्लपक्षाच्या नवव्या तिथीला पुरुषोत्तम श्री रामचंद्र नश्वर शरीरात प्रकट झाले. त्या निमित्ताने रामनवमी साजरी केली जाते. श्री रामचंद्रांचा जन्म दुपारी झाला. 

राम नवमी तिथी -

चैत्र महिन्यातील शुक्ल पक्षातील नवमी तिथी १६ एप्रिलच्या दिवशी दुपारी १.२३ वाजता रामनवमी तिथी सुरू होईल. ही तिथी दुसऱ्या दिवशी ३:१४ वाजता समाप्त होईल. त्यामुळे १७ एप्रिल रोजी रामनवमी उत्सव साजरा केला जाणार आहे.

देवीचे आगमन - 

शास्त्रानुसार चैत्र नवरात्रीला देवीचे घट बसवतात. यावर्षी देवी घोड्यावर विराजमान होऊन येईल. त्याचा परिणाम फारसा चांगला नाही. असे म्हटले जाते की देवी घोड्यावर बसून येते तेव्हा ती अशुभ बदल आणि गोंधळ निर्माण करते. नैसर्गिक आपत्तीही येण्याची शक्यता असते.