Pradosh Vrat : बुध प्रदोष व्रत; वैवाहिक जीवनातील अडचणी दूर करण्यासाठी या गोष्टी करा, प्रेम वाढेल
Pradosh Vrat : बुध प्रदोष व्रत; वैवाहिक जीवनातील अडचणी दूर करण्यासाठी या गोष्टी करा, प्रेम वाढेल
Feb 06, 2024 07:04 PM IST
Pradosh Vrat in February 2024: प्रदोष व्रत केल्याने माणसाला सुख-समृद्धी मिळते. या व्रतामुळे सौभाग्य प्राप्त होते, तसेच वैवाहिक जीवन आनंदी होते. हे काही सोपे उपाय आहेत जे वैवाहिक समस्यांपासून मुक्ती मिळवण्यासाठी उपयोगी ठरतील.
(1 / 7)
पंचांगानुसार, प्रत्येक महिन्यातील शुक्ल व कृष्ण पक्षात प्रदोष व्रत असतो. बुधवार ७ फेब्रुवारी रोजी कृष्ण पक्षातील प्रदोष व्रत आहे. वारानुसार वेगवेगळ्या नावांनी प्रदोष व्रत ओळखले जाते आणि दिवसानुसार या व्रताचे वेगळे महत्त्व आहे. प्रदोष व्रत बुधवारी केले तर त्याला बुध प्रदोष म्हणतात. या दिवशी महादेवाची म्हणजेच शिवाची विशेष पूजा केली जाते.
(2 / 7)
प्रदोष व्रत हे हिंदू धर्मात अत्यंत शुभ आणि महत्त्वाचे मानले जाते. या दिवशी पूर्ण भक्तिभावाने भगवान महादेवाची उपासना केल्याने व्यक्तीचे सर्व दुःख दूर होतात आणि मृत्यूनंतर मोक्ष प्राप्त होतो. या दिवशी शंकराची उपासना केल्याने पापांचे प्रायश्चित्त होते आणि सर्व दुःख दूर होतात. भगवान शिवानेच या व्रताचे महत्त्व सर्वप्रथम सती माता यांना सांगितले. या दिवशी काही विशेष उपाय केल्यास वैवाहिक जीवनातील समस्या दूर होऊ शकतात. या सोप्या उपायांबद्दल जाणून घेऊया.
(3 / 7)
वैवाहिक जीवन सुखी ठेवण्याचा उपाय : वैवाहिक जीवनात तणाव वाढला असताना प्रदोष व्रताच्या संध्याकाळी भगवान भोलेनाथांना गुलाबाच्या पानांचा रस अर्पण करा. त्यानंतर पार्वतीच्या चरणी अर्पण करा. पूजा आटोपल्यानंतर पती-पत्नीने थोडा रस घेऊन डोळ्यांना लावावा. असे मानले जाते की, असे केल्याने वैवाहिक जीवन सुखी होते.
(4 / 7)
पती-पत्नीमध्ये वारंवार भांडणे किंवा वैचारिक मतभेद होत असल्यास प्रदोष व्रताच्या दिवशी २१ लाल गुलाबांना चंदनाचा सुगंध लावावा आणि संध्याकाळी पती-पत्नीने प्रत्येकी एक एक फूल ॐ नमः शिवाय मंत्राचा जप करत करत महादेवाच्या पिंडीवर अर्पण करावे. यामुळे वैवाहिक जीवनात प्रेम वाढते.
(5 / 7)
वैवाहिक जीवनात सुसंवाद राखण्यासाठी आणि सुखी आणि शांत जीवन जगण्यासाठी प्रदोष व्रताच्या दिवशी पती-पत्नीने गुळाचे शिवलिंग करून विशेष रुद्राभिषेक करावा. असे केल्याने वैवाहिक जीवनातील समस्या दूर होतात असे सांगितले जाते.(Freepik)
(6 / 7)
ज्यांना विवाहात अडथळे येत आहेत त्यांनी प्रदोष व्रताला शिवाचा अभिषेक व पूजा करावी. हा उपाय केल्याने भगवान शंकराचा आशीर्वाद प्राप्त होतो आणि विवाह लवकर होण्याची शक्यता असते.
(7 / 7)
शिवलिंगाला मधाने अभिषेक केल्यास जीवनातील सर्व समस्या दूर होतात. प्रदोष व्रताच्या दिवशी आवळा मिसळलेल्या पाण्याने भगवान शिवाला अभिषेक केल्यास सर्व रोगांपासून मुक्ती मिळते. (डिस्क्लेमर : या लेखात दिलेली माहिती पूर्णपणे सत्य आणि अचूक असेलच असं नाही. हिंदुस्तान टाइम्स मराठी तसा दावा करत नाही. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.)(Freepik)
इतर गॅलरीज