Budh Gochar : २७ फेब्रुवारीपर्यंत या ५ राशीच्या लोकांना होणार पैसा, व्यवसाय आणि करिअरमध्ये बक्कळ लाभ

मंगळवार, ११ फेब्रुवारी २०२५ रोजी बुधाने आपला मार्ग बदलला आणि शनीच्या कुंभ राशीत प्रवेश केला. बुधाच्या राशीबदलाचा १२ राशींवर परिणाम होतो. बुध ग्रहाचे हे गोचर काही राशीच्या लोकांसाठी फायदेशीर ठरेल, तर काही राशीच्या लोकांसाठी अशुभ ठरू शकते.

बुध ग्रहाने ११ फेब्रुवारी रोजी दुपारी १२ वाजून ५८ मिनिटांनी मकर राशीतून कुंभ राशीत प्रवेश केला आहे आणि २७ फेब्रुवारीपर्यंत या राशीत राहील. कुंभ राशीत असताना बुध काही राशींसाठी फायदेशीर ठरेल. चला तर मग जाणून घेऊया या भाग्यशाली राशी कोणत्या आहेत.

मिथुन -

बुध ग्रहाचे कुंभ राशीतील हे गोचर मिथुन राशीच्या नवव्या भावात स्थित असेल. त्यामुळे तुमच्या आलिशान जीवनात वाढ दिसेल. या काळात तुम्हाला सर्व प्रकारच्या सुखसोयी मिळतील आणि तुमच्या करिअरमध्येही प्रगती होण्याची शक्यता आहे. पैसे कमावण्यासाठी नोकरी आणि व्यवसायात नशिबाची पूर्ण साथ मिळेल.

सिंह -

बुध ग्रहाचे हे गोचर सिंह राशीच्या सप्तम भावात आहे, ज्यामुळे वैवाहिक जीवनात प्रेम वाढेल आणि भौतिक सुखसोयी वाढतील. या काळात आर्थिक स्थितीही मजबूत राहील आणि धनबचत करण्यात तुम्ही यशस्वी व्हाल.

मकर -

बुधाचे गोचर मकर राशीच्या लोकांसाठी शुभ परिणाम घेऊन येईल. कारण बुध आपल्या राशीतून दुसऱ्या स्थानाकडे जात आहे. कुंडलीतील हे स्थान धन आणि शब्दांशी संबंधित आहे. त्यामुळे या काळात अचानक आर्थिक लाभ होण्याची शक्यता असून कामाच्या ठिकाणी प्रगती होण्याची शक्यता आहे. नोकरीबरोबरच परीक्षा आणि स्पर्धांमध्येही विद्यार्थी चांगली कामगिरी करतील.