Bigg Boss Marathi: मी जर धक्का द्यायला लागले ना निक्की...; कॅप्टनसी टास्कदरम्यान आर्या भिडणार

बिग बॉस मराठी सिझन ५ हा रिअॅलिटी शो दिवसेंदिवस रंगत चालला आहे. आज बिग बॉसच्या घरात पहिला कॅप्टनसी टास्क पार पडणार आहे. या टास्कमध्ये सर्व कलाकार त्यांचे १०० टक्के देऊन परफॉर्म करताना दिसणार आहेत.

बिग बॉसने 'कॅप्टनसीची बुलेट ट्रेन' हे कॅप्टनसी कार्य स्पर्धकांना दिले आहे. या टास्कदरम्यान घरातील सर्व सदस्य सर्वोतोपरी प्रयत्न करताना दिसणार आहे. 

या टास्कमध्ये बॉलिवूड गाजवणारी निक्की तांबोळी आणि रॅपर आर्या जाधवमध्ये कडाक्याचं भांडण झालेलं पाहायला मिळणार आहे.

एकमेकींसोबत भिडतानाचा त्यांचा प्रोमो समोर आला आहे. 'कॅप्टनसीची बुलेट ट्रेन' या टास्कमध्ये कोण विजयी होणार आणि कोणाला पहिला कॅप्टन होण्याचा मान मिळणार याकडे सर्वांचच लक्ष लागलं आहे. 

बिग बॉस मराठी सिझन ५च्या घरात पहिला कॅप्टनसी टास्क पार पडणार आहे. या टास्कमध्ये घरातील स्पर्धक काय राडा घालणार हे पाहण्यासाठी सर्वजण उत्सुक आहेत. तसेच अंकिता, निक्की, अरबाज, जान्हवी, वैभव, आर्या, अभिजित, पॅडी या स्पर्धकांपैकी कोण कॅप्टन बनणार हे देखील पाहण्यासाठी सर्वजण आतुर आहेत.