Weight Loss : वजन कमी करेल, मधुमेहाला दूर ठेवेल! दालचिनी खाण्याचे ‘हे’ फायदे वाचाच..

तुम्हाला सर्व भारतीय स्वयंपाकघरात दालचिनी सहज मिळेल. याचा उपयोग जेवणाची चव वाढवण्यासाठी केला जातो. यासोबतच काही लोक वजन कमी करण्यासाठीही दालचिनी खातात. पण दालचिनीचे अनेक आश्चर्यकारक फायदे आहेत. दालचिनी तुम्हाला अनेक समस्यांना तोंड देण्यास मदत करू शकते.

दालचिनी रक्तातील साखरेची पातळी नियंत्रित करण्यास मदत करू शकते. दालचिनी इंसुलिन संवेदनशीलता सुधारू शकते, ज्यामुळे शरीराला ग्लुकोजच्या पातळीचे नियमन करणे सोपे होते.

दालचिनी तुमच्या मेंदूसाठीही खूप फायदेशीर आहे. दालचिनी अल्झायमरसारख्या न्यूरोडीजनरेटिव्ह रोगांपासून संरक्षण करू शकते. याशिवाय, दालचिनीतील अँटीऑक्सिडंट्स मेंदूतील ऑक्सिडेटिव्ह तणाव कमी करू शकतात.

दालचिनी हृदयाच्या आरोग्यावर उपचार करण्यास आणि हानिकारक कोलेस्ट्रॉल कमी करण्यास मदत करू शकते. हृदयाचे आरोग्य सुधारण्यासाठी, दालचिनी  तुमच्या दिनक्रमात समाविष्ट करा. दालचिनी एचडीएल म्हणजेच चांगल्या कोलेस्ट्रॉलची पातळी राखून ठेवत, खराब कोलेस्ट्रॉल आणि ट्रायग्लिसराइड्सची पातळी कमी करते. अशा परिस्थितीत हृदयाशी संबंधित समस्यांचा धोका कमी करण्यात मदत होऊ शकते.

दालचिनीमध्ये फायबरचे प्रमाण जास्त असते. यासोबतच जेवणाची लालसा कमी करण्यास मदत होऊ शकते. दालचिनी चयापचय वाढवण्यास मदत करते, जे वजन कमी करण्याच्या प्रक्रियेस गती देते.

दालचिनीमध्ये अनेक गुणधर्म आहेत जे, घश्याची खवखव थांबवण्यास मदत करतात. एक कप दालचिनीचा चहा तुम्हाला बरे वाटण्यास मदत करू शकतो.

दालचिनी मासिकपाळीची  वेदना, मळमळ आणि मासिक पाळीचा प्रवाह कमी करण्यास मदत करते. वेदना कमी करण्यासाठी दालचिनी अतिशय प्रभावी आहे.